തിരുവനന്തപുരം: കോടതി വിധിയുടെ പശ്ചാത്തലത്തില്‍ ഇടുക്കിയിലെ കര്‍ഷകരുടെ ജീവിത പ്രശ്‌നമായി മാറിയ 1960 ലെ ഭൂപതിവ് നിയമം ഭേദഗതി ചെയ്യാന്‍ പ്രതിപക്ഷത്തിന്റെ പിന്തുണ തേടി മന്ത്രി റോഷി അഗസ്റ്റിന്‍. മന്ത്രി കെ. രാജന്‍ ബില്‍ അവതരിപ്പിച്ചതിനു പിന്നാലെ മാത്യു കുഴല്‍നാടന്‍ എംഎല്‍എ തടസ്സവാദം ഉന്നയിച്ചു കൊണ്ട് രംഗത്തു വന്നതോടെയാണ് കര്‍ഷകരുടെ പ്രശ്‌നത്തില്‍ രാഷ്ട്രീയം മറന്ന് ഒന്നിക്കണമെന്ന അഭ്യര്‍ഥനയുമായി റോഷി അഗസ്റ്റിന്‍ എഴുന്നേറ്റത്. പട്ടയം കിട്ടിയ ഭൂമിയില്‍ കൃഷി ചെയ്യാനും വീടു വയ്ക്കാനും മാത്രമാണ് അനുമതിയുള്ളത്. ഇതു പരിഹരിക്കാനുള്ള ബില്‍ ആണ് അവതരിപ്പിക്കുന്നത്. തര്‍ക്കങ്ങള്‍ ഒഴിവാക്കി പൊതുസ്പിരിറ്റ് ഉള്‍ക്കൊണ്ട് തടസ്സവാദം ഉന്നയിക്കരുതെന്നും മന്ത്രി റോഷി അഗസ്റ്റിന്‍ കൈകൂപ്പി അഭ്യര്‍ഥിച്ചു. മുന്‍പ് അവതരിപ്പിച്ചിട്ടുള്ള ബില്ലുകള്‍ക്ക് തടസ്സവാദം ഉന്നയിക്കാതെ ഈ ബില്ലിന് മാത്രം തടസ്സവാദം ഉന്നയിക്കുമ്പോള്‍ പൊതുജനങ്ങള്‍ക്ക് അത് വിഷമം ഉണ്ടാക്കും. സബ്ജക്ട് കമ്മിറ്റിയുടെ പരിഗണനയ്ക്കു ശേഷം ബില്‍ സഭയില്‍ എത്തുമ്പോള്‍ വിശദമായ ചര്‍ച്ചയാകാമെന്നും ചരിത്രപരമായ ഈ മുഹൂര്‍ത്തത്തില്‍ ഒപ്പം നില്‍ക്കണമെന്നും മന്ത്രി അഭ്യര്‍ഥിച്ചു. ഇതോടെ തടസ്സവാദം ഉന്നയിച്ചു രംഗത്തുവന്ന മാത്യു കുഴല്‍നാടന്‍ എംഎല്‍എ പിന്മാറുകയായിരുന്നു. ആശുപത്രിയില്‍ നിന്ന് ബില്‍ അവതരണ വേളയില്‍ ശാരീരിക അസ്വാസ്ഥ്യം പോലും പരിഗണിക്കാതെ സഭയില്‍ എത്തിയ മന്ത്രി റോഷി അഗസ്റ്റിനെ റവന്യൂ മന്ത്രി കെ. രാജന്‍ ബില്‍ അവതരണ വേളയില്‍ പ്രത്യേകം അഭിനന്ദിച്ചത് ശ്രദ്ധേയമായി. തടസ്സങ്ങള്‍ ഒഴിവാക്കി ബില്‍ നിയമസഭയില്‍ അവതരിപ്പിക്കുന്നതിന് മുന്‍കൈയെടുത്ത മുഖ്യമന്ത്രി പിണറായി വിജയനും മന്ത്രി കെ. രാജനും മന്ത്രി റോഷി അഗസ്റ്റിന്‍ കര്‍ഷകരുടെ പേരില്‍ നന്ദി രേഖപ്പെടുത്തി.
തിരുവനന്തപുരം: തണൽക്കൂട്ടം സൊസൈറ്റി ഫോർ കൾചറൽ ഹെറിറ്റേജിന്റെ നേതൃത്വത്തിൽ രണ്ടാം പൈതൃക കോൺഗ്രസ് 2026 ജനുവരിയിൽ തിരുവനന്തപുരത്തു നടക്കും. സ്വാഗത…
ഗാന്ധിജയന്തി ദിനാഘോഷത്തിന്റെ ഭാഗമായി തിരുവനന്തപുരം മൺവിള ഭാരതീയ വിദ്യാഭവന്‍ ഗാന്ധിസ്മരണകളുണര്‍ത്തി കൊണ്ടുള്ള വിവിധ പരിപാടികള്‍ സംഘടിപ്പിച്ചു. ഗാന്ധി ചിത്രത്തില്‍ അധ്യാപകരും…
കൊച്ചി: ആഗോള സ്‌പൈസ് എക്‌സ്‌ട്രാക്ട് വിപണിയിലെ മുൻനിര കമ്പനിയായ മാൻ കാൻകോറിന് നാല് ദേശീയ, അന്തർദേശീയ പുരസ്കാരങ്ങൾ. സസ്റ്റെയിനബിൾ സോഴ്സിങ്,…
സംസ്ഥാന സർക്കാർ സംഘടിപ്പിച്ച ചടങ്ങ് പ്രിയ നടനോടുള്ള കേരള ജനതയുടെ സ്‌നേഹാദരവുകളാൽ അലംകൃതമായി മലയാള ചലച്ചിത്രലോകത്തിന്റെ അഭിമാനതാരം മോഹൻലാൽ രാജ്യത്തെ…
തിരുവനന്തപുരം: ഡീലിമിറ്റേഷന്റെ ഭാഗമായി തിരുവനന്തപുരം കോര്‍പറേഷനില്‍ നടന്ന വാര്‍ഡ് വിഭജനം അസന്തുലിതവും വിവേചനപരവുമാണെന്നും അടിയന്തരമായി പുനപരിശോധന നടത്തി ആവശ്യമായ തിരുത്തല്‍…
അക്ഷര കൂട്ടായ്മയും പാട്ടുപകലും നടന്നുആദ്യാക്ഷരങ്ങൾ കുറിച്ച കുരുന്നുകൾക്കും വിദ്യാർത്ഥികൾക്കും പ്രോത്സാഹനം നൽകാൻ കേരള സർക്കാരിന്റെ സാംസ്‌കാരിക വിനിമയ കേന്ദ്രമായ ഭാരത്…