തിരുവനന്തപുരം സിവില് സ്റ്റേഷനില് പ്രവര്ത്തിക്കുന്ന ജില്ലാ ദുരന്തനിവാരണ വിഭാഗത്തിന്റെ കണ്ട്രോള് റൂമിലേക്ക് കരമനയാറ്റിലെ തളിയില് ക്ഷേത്രത്തിന് സമീപത്തുള്ള കടവില് നാലുപേര് അകപ്പെട്ടിട്ടുണ്ടെന്ന സന്ദേശമെത്തുന്നത് രാവിലെ 9.45ഓടെയാണ്. ഉടന് തന്നെ ജില്ലാ ദുരന്ത നിവാരണ വിഭാഗത്തിന്റെ നേതൃത്വത്തില് രക്ഷാപ്രവര്ത്തനം ആരംഭിച്ചു. കണ്ട്രോള് റൂമില് നിന്നുള്ള അടിയന്തര സന്ദേശത്തിന്റെ അടിസ്ഥാനത്തില് സംഭവസ്ഥലത്തേക്ക് പോലീസ്, അഗ്നിരക്ഷാസേന, ദേശീയ ദുരന്ത നിവാരണ സേന എന്നിവരുടെ വാഹനങ്ങള് സൈറണ് മുഴക്കി പാഞ്ഞു. തൊട്ടുപിന്നാലെ രക്ഷാപ്രവര്ത്തനം ഏകോപിപ്പിക്കാന് റവന്യൂ ഉദ്യോഗസ്ഥരും ആംബുലന്സും ഡോക്ടര്മാരുമായി ആരോഗ്യ വകുപ്പും സ്ഥലത്തെത്തി. പതിവില്ലാതെ വാഹനങ്ങള് ചീറിപ്പായുന്നത് കണ്ട് നാട്ടുകാര് ആദ്യം ഞെട്ടിയെങ്കിലും , ജില്ലാ ദുരന്ത നിവാരണ അതോറിറ്റി വിവിധ വകുപ്പുകളുടെ സഹായത്തോടെ നടത്തുന്ന മോക്ക് ഡ്രില്ലിന്റെ ഭാഗമാണിതെന്ന് അറിഞ്ഞതോടെ പ്രദേശവാസികള്ക്കും കൗതുകമായി. വെള്ളത്തില് മുങ്ങിത്താണ നാലുപേരെയും അഗ്നിരക്ഷാസേനയും ദേശീയ ദുരന്ത നിവാരണ സേനയും സുരക്ഷിതമായി കരയ്ക്കെത്തിച്ചു. ഇവരെ മെഡിക്കല് സംഘം പരിശോധിക്കുകയും അടിയന്തര ചികിത്സ നല്കുകയും ചെയ്തു.
പ്രളയം, ഉരുള്പൊട്ടല് തുടങ്ങിയ ദുരന്ത സാഹചര്യങ്ങളില് വിവിധ സര്ക്കാര് വകുപ്പുകളുടെ പ്രവര്ത്തനം, ഏകോപനം എന്നിവ പരിശോധിക്കുന്നതിനും കുറവുകള് നികത്തുന്നതിനുമാണ് മോക്ക് ഡ്രില് സംഘടിപ്പിച്ചത്. ജില്ലാ -താലൂക്ക് തലങ്ങളില് രൂപീകരിച്ച ദുരന്ത പ്രതികരണ സേനയുടെ (ഇന്സിഡന്റ് റെസ്പോണ്സ് ടീം) ഇന്സിഡന്റ് കമാന്ഡ് പോസ്റ്റ്, എമര്ജന്സി ഓപ്പറേഷന് സെന്ററുകള് വഴിയാണ് പ്രവര്ത്തനങ്ങള് ഏകോപിപ്പിച്ചത്. ദുരന്ത മുന്നറിയിപ്പ് ലഭിക്കുന്ന ഘട്ടത്തില് ഇന്സിഡന്റ് റെസ്പോണ്സ് സിസ്റ്റത്തിന്റെ പ്രവര്ത്തനം, കണ്ട്രോള് റൂമുകളുടെ പ്രവര്ത്തനം, വിവിധ വകുപ്പുകള് തമ്മിലുള്ള ഏകോപനം, ആശയ വിനിമയോപാധികളുടെ കൃത്യമായ ഉപയോഗം, അപകട സ്ഥലത്ത് നടത്തുന്ന പ്രതികരണ – രക്ഷാപ്രവര്ത്തനങ്ങളുടെ ഏകോപനം തുടങ്ങിയ സുപ്രധാന കാര്യങ്ങളാണ് മോക് ഡ്രില്ലിലൂടെ വിലയിരുത്തിയത്.
ജില്ലാതലത്തില് ദുരന്തനിവാരണ വിഭാഗം ഡെപ്യൂട്ടി കളക്ടര് വി.ജയമോഹന്റെയും താലൂക്ക് തലത്തില് തഹസില്ദാര്മാരുടെയും വില്ലേജ് ഓഫീസര്മാരുടെയും നേതൃത്വത്തിലാണ് പ്രവര്ത്തനങ്ങള് ഏകോപിപ്പിച്ചത്. റവന്യൂ, പൊലീസ്, അഗ്നിരക്ഷാസേന, എന്.ഡി.ആര്.എഫ്, ആരോഗ്യ വകുപ്പ്, മോട്ടോര് വാഹന വകുപ്പ് എന്നിവര് മോക്ക് ഡ്രില്ലില് പങ്കെടുത്തു.
തിരുവനന്തപുരം : കൃത്രിമ ചേരുവകൾ ചേർത്ത് തയ്യാറാക്കുന്ന പായ്ക്ക് ചെയ്ത ഭക്ഷണങ്ങൾ ഒഴിവാക്കിയില്ലെങ്കിൽ വരും തലമുറയെ കാത്തിരിക്കുന്നത് ഭീകരമായ ആരോഗ്യ…
മലയാളത്തിലാദ്യമായി ക്യാമ്പിങ്ങിന്റെ പശ്ചാത്തലത്തിൽ ഒരുങ്ങുന്ന ചിത്രം "കൂടൽ" ചിത്രീകരണം തുടങ്ങി. ഇന്നത്തെ യുവത്വത്തിന്റെ ആഘോഷവും, അവർക്കിടയിലുണ്ടാകുന്ന സംഭവവികാസങ്ങളുമാണ് അവതരിപ്പിക്കുന്നത്. ബിബിൻ…
ആദ്യം രജിസ്റ്റര് ചെയ്യുന്ന ഒരു ലക്ഷം പേര്ക്ക് പ്ലാറ്റ്ഫോം പ്രവേശനവും എക്സ്ക്ലൂസീവ് ഫീച്ചേഴ്സും സൗജന്യം കൊച്ചി: ക്രിക്കറ്റ് താരം ധോണിയുടെ…
സിനിമാ സെറ്റുകളിലെ ലഹരി ഉപയോഗം അന്വേഷിക്കണമെന്ന് . പ്രത്യേക അന്വേഷണ സംഘത്തിന് നിർദേശം നൽകി ഹൈക്കോടതി.ആവശ്യമായ നടപടികൾ സ്വീകരിക്കണമെന്നും കോടതി…
രഞ്ജി ട്രോഫി സീസണിലെ ആദ്യ മത്സരത്തില് കേരളത്തിന് തകർപ്പൻ വിജയം. തിരുവനന്തപുരം നടന്ന മത്സരത്തിന്റെ അവസാന ദിവസം 158 എന്ന…
കോഴിക്കോട്: കേരളത്തിലെ ഫുള് എ പ്ലസുകള് പൊള്ളത്തരമാണെന്ന് ശാസ്ത്രജ്ഞനും ഇന്ത്യന് നാഷണല് അക്കാഡമി ഫെലോയുമായ പ്രൊഫ. കാനാ സുരേശന്. എസന്സ്…