വിവേകാനന്ദ സാംസ്കാരിക കേന്ദ്രത്തിൻ്റെ ഇക്കൊല്ലത്തെ രാമായണമേളാ പുരസ്കാരങ്ങൾ പ്രഖ്യാപിച്ചു

വിവേകാനന്ദ സാംസ്കാരിക കേന്ദ്രത്തിൻ്റെ ഇക്കൊല്ലത്തെ രാമായണമേളാ പുരസ്കാരങ്ങൾ പ്രഖ്യാപിച്ചു.
ഗുരു മാർഗി സജീവ്‌ നാരായണ ചാക്യാർക്ക് നാട്യരത്ന പുരസ്കാരവും രാമായണ പാരായണ വിദഗ്ധൻ പി. കെ. ഗോപകുമാരന് രാമായണാചാര്യ പുരസ്കാരവുമാണ് സമർപ്പിക്കുക.

ആഗസ്റ്റ് 28 ബുധനാഴ്ച ഉച്ചതിരിഞ്ഞു 3 മണിക്ക് വിവേകാനന്ദ കേന്ദ്രത്തിൽ വച്ച് പദ്മവിഭൂഷൺ അടൂർ ഗോപാലകൃഷ്ണൻ ഉൽഘാടനം ചെയ്യുന്ന സമ്മേളനത്തിൽ മഹാത്മാഗാന്ധി സർവകലാശാലയുടെയും കാസർകോട്ടെ കേന്ദ്ര സർവകലാശാലയുടെയും മുൻ വൈസ് ചാൻസലർ ഡോ. ജാൻസി ജെയിംസും മാർഗിയുടെയും ദൃശ്യവേദിയുടെയും സെക്രട്ടറി എസ് ശ്രീനിവാസൻ റിട്ടയേഡ് ഐ ഏ എസ്സുമാണ് പുരസ്കാരങ്ങൾ സമർപ്പിക്കുന്നത്.

ഹരിനാമകീർത്തനത്തിന് ഡോ. വി ആർ പ്രബോധചന്ദ്രൻ നായർ രചിച്ച കൈത്തിരി എന്ന വ്യാഖ്യാനം അടൂർ ഗോപാലകൃഷ്ണൻ ഈ സമ്മേളനത്തിൽ വച്ചു പ്രകാശിപ്പിക്കും; രാമായണ മേളയിലെ വിവിധ കലാമൽസരങ്ങളിൽ വിജയിച്ച കുട്ടികൾക്ക് സമ്മാനങ്ങൾ വിതരണം ചെയ്യും.