90% ത്തിലേറെ ദുര്‍ബലവിഭാത്തില്‍പ്പെട്ട സ്ത്രീ തൊഴിലാളികള്‍ പണിയെടുക്കുന്ന വ്യവസായമെന്ന നിലയില്‍ കശുവണ്ടി വ്യവസായത്തിന് പ്രത്യേക പരിഗണന നല്‍കി ഒരു പാക്കേജ് അനുവദിക്കണമെന്ന് ആവശ്യപ്പെട്ട് എന്‍.കെ.പ്രേമചന്ദ്രന്‍ എംപി കേന്ദ്ര ധനകാര്യ മന്ത്രി നിര്‍മ്മല സീതാരാമനെ നേരില്‍ കണ്ട് നിവേദനം നല്‍കി ചര്‍ച്ച ചെയ്തു. വ്യവസായത്തിന്‍റെ പ്രതിസന്ധി നേരില്‍ മനസ്സിലാക്കാന്‍ കൊല്ലം സന്ദര്‍ശിക്കണമെന്ന ആവശ്യത്തിനോട് മന്ത്രി പ്രതികരിച്ചു. സര്‍ക്കാരിന്‍റെ ഇറക്കുമതി നയവും അതിനോടനുബന്ധിച്ച് വ്യവസായത്തില്‍ പാലിക്കേണ്ട ഇതര വ്യവസ്ഥകളും കശുവണ്ടി മേഖലയെ പ്രതിസന്ധി യിലാക്കിയിരിക്കുകയാണ്. ഭൂരിപക്ഷം വരുന്ന കശുവണ്ടി ഫാക്ടറികളും പൂട്ടികിടക്കുന്നതിനാല്‍ തൊഴില്‍ നഷ്ടപ്പെട്ട ദുര്‍ബല വിഭാഗത്തില്‍പ്പെട്ട തൊഴിലാളികള്‍ക്ക് ഹാജര്‍ കുറവാകുകയും ഇ.എസ്.ഐ ആനുകൂല്യം പോലും ലഭിക്കാത്ത സാഹചര്യമാണ്. തോട്ടണ്ടി ഇറക്കുമതിയുമായി ബന്ധപ്പെട്ട് വിയറ്റ്നാമില്‍ നിന്ന് തോട്ടണ്ടി ഇറക്കി വ്യവസായം നടത്തിയ വ്യവസായികള്‍ കടക്കെണിയില്‍ ആവുകയും ബാങ്ക് വായ്പകള്‍ അടയ്ക്കാന്‍ കഴിയാത്ത സ്ഥിതിവിശേഷവുമുണ്ടായി.
തോട്ടണ്ടിയുടെ ഇറക്കുമതി ചുങ്കം പൂര്‍ണ്ണമായും ഒഴിവാക്കി പൂര്‍വ്വകാലപ്രാബല്യം നല്‍കിയാല്‍ മാത്രമെ നിലവിലെ കശുവണ്ടി വ്യവസായത്തിലെ പ്രതിസന്ധിക്ക് പരിഹാരമാകു. കുടിശ്ശിക അടയ്ക്കുവാന്‍ തവണകള്‍ അനുവദിക്കുകയും സമയപരിധി 2025 മാര്‍ച്ച് വരെ ദീര്‍ഘിപ്പിക്കേണ്ടതും വ്യവസായത്തിന്‍റെ നിലനില്പിന് അനിവാര്യമാണ് . സര്‍ഫസി നിയമം ഉപയോഗിച്ച് തൊഴില്‍ശാലകളും വ്യവസായികളുടെ കിടപ്പാടവും കയ്യടക്കാനാണ് ബാങ്കുകള്‍ ശ്രമിക്കുന്നത് കശുവണ്ടി വ്യവസായത്തെ സംരക്ഷിക്കുന്ന നിലപാട് ബാങ്കുകള്‍ സ്വീകരിക്കണം. ബാങ്ക് വായ്പ കുടിശ്ശിക തവണകളായി അടച്ചു തീര്‍ക്കുവാനും ക്രമീകരിക്കുവാനും സമയം അനുവദിക്കണം. കശുവണ്ടി ഫാക്ടറികള്‍ പ്രവര്‍ത്തിപ്പിക്കാനും തൊഴിലാളി ക്ഷേമം ഉറപ്പു വരുത്താനും സമഗ്ര പാക്കേജ് അനുവദിക്കണമെന്നും എന്‍.കെ. പ്രേമചന്ദ്രന്‍ എം.പി ചര്‍ച്ചയില്‍ ആവശ്യപ്പെട്ടു.
അടിച്ചമർത്തപ്പെട്ട ശബ്ദങ്ങൾക്ക് സിനിമയിലൂടെ ഇടം നൽകുന്നതിലും സമകാലിക വിഷയങ്ങളെക്കുറിച്ച് ചർച്ച ചെയ്യുന്നത്തിലും അന്തരാഷ്ട്ര ഡോക്യുമെന്ററി ഹ്രസ്വചലച്ചിത്രമേള എക്കാലത്തും പ്രാധാന്യം നൽകിയിട്ടുണ്ട്.…
കൊല്ലം : കൊല്ലത്ത് എ ടി എം കൗണ്ടറിൽ വെച്ച് 16 കാരിയ്ക്ക് നേരെ ലൈംഗികാതിക്രമം നടത്തിയ മധ്യവയസ്‌കൻ പിടിയിൽ.…
തിരുവനന്തപുരം: ഗോവയിലെ 13 അസോസിയേഷനു കൾ ചേർന്ന ഫെഡറേഷൻ ഓ ഫ് ഓൾ ഗോവ മലയാളി അസോസിയേഷന്റെ പ്രഥമ ദേശീയ…
തിരുവനന്തപുരം: കുറഞ്ഞ സമയത്തില്‍ ആശയം കാണികളിലേക്ക് എത്തിക്കാന്‍ ഹ്രസ്വചിത്രങ്ങള്‍ വഹിക്കുന്ന പങ്ക് വലുതാണെന്ന് യുവനടന്‍ മാത്യു തോമസ്. കേരള സംസ്ഥാന…
തിരുവനന്തപുരം: 17-ാമത് അന്താരാഷ്ട്ര ഡോക്യുമെന്ററി ഹ്രസ്വചിത്രമേള സമീപകാലത്ത് വിട്ടുപിരിഞ്ഞ ചലച്ചിത്രപ്രതിഭകള്‍ക്കുള്ള ആദരമായി ഏഴ് ചിത്രങ്ങള്‍ ഹോമേജ് വിഭാഗത്തില്‍ പ്രദര്‍ശിപ്പിക്കും.സുലൈമാന്‍ സിസ്സെ,…
തിരുവനന്തപുരം - കെസിഎൽ രണ്ടാം സീസണിലെ രണ്ടാം മല്സരത്തിൽ കൊച്ചി ബ്ലൂ ടൈഗേഴ്സ് ട്രിവാൺഡ്രം റോയൽസിനെ തോല്പിച്ചു. എട്ട് വിക്കറ്റിനായിരുന്നു…