ത്യശ്ശൂർ, 14 ജൂലൈ 2023: ജനങ്ങള്ക്ക് ആരോഗ്യത്തെ കുറിച്ച് കൂടുതല് അറിവുള്ളതിനാല് കൃത്യസമയത്ത് രോഗ ലക്ഷണങ്ങള് കണ്ടെത്തുന്നതും ഗുരുതരമാകുന്നതിന് മുമ്പ് ഫലപ്രദമായി ചികിത്സിക്കുന്നതും വളരെ പ്രധാനപ്പെട്ട കാര്യമാണെന്ന് എ.സി മൊയ്തീന് എം.എല്.എ. കുന്നംകുളത്ത് മെട്രോപോളിസ് ഹെല്ത്ത്കെയര് ലിമിറ്റഡിന്റെ അത്യാധുനിക ലാബിന്റെ ഉദ്ഘാടനം നിര്വഹിക്കുകയായിരുന്നു അദ്ദേഹം. ഏറ്റവും പുതിയ സാങ്കേതികവിദ്യയുടെ സഹായത്തോടെ പ്രവര്ത്തിക്കുന്ന ലബോറട്ടറി കുന്നംകുളത്തെ ജനങ്ങള്ക്ക് ലഭിച്ചതില് സന്തോഷമുണ്ടെന്നും എം.എല്.എ പറഞ്ഞു. ദേശീയതലത്തില് ശ്രദ്ധേയമായ മെട്രോപോളിസ് ഡയഗ്നോസിസ് കേന്ദ്രം കുന്നംകുളത്തുകാര്ക്ക് വലിയ ആശ്വാസമാണ്. പ്രദേശവാസികള് ജീവിതശൈലീ രോഗങ്ങളായ പ്രമേഹം, കൊളസ്ട്രോള് തുടങ്ങിയ അത്യാവശ്യ പരിശോധനകള് കൃത്യമായ ഇടവേളകളില് നടത്തണമെന്നും അദ്ദേഹം ആവശ്യപ്പെട്ടു.
രാജ്യത്തെ മുന്നിര ലബോറട്ടറി സേവന ദാതാക്കളാണ് മെട്രോപൊളിസ് ഹെല്ത്ത് കെയര് ലിമിറ്റഡ്. ഉയര്ന്ന നിലവാരമുള്ള പരിശോധനകളും രോഗനിര്ണയ സംവിധാനങ്ങളും ഇവിടെ ഒരുക്കിയിട്ടുണ്ട്. പ്രമേഹം, കൊളസ്ട്രോള് തുടങ്ങിയ സാധാരണ പരിശോധനകള് മുതല് ഏറ്റവും സങ്കീര്ണമായ ഡി.എന്.എ, ആര്.എന്.എ പരിശോധനകളും നടത്താം. ദിവസവും 200 സാമ്പിളുകള് വരെ പരിശോധിക്കാനുള്ള സജ്ജീകരണങ്ങള് ഒരുക്കിയിട്ടുണ്ട്.
ടിയർ രണ്ട് – ടിയർ മൂന്ന് നഗരങ്ങളിൽ മെട്രോപോളിസ് ലാബ് വ്യാപിപ്പിക്കുന്നതിന്റെ ഭാഗമായാണ് കുന്നംകുളത്ത് പുതിയ കേന്ദ്രം തുടങ്ങിയതെന്ന് മെട്രോപോളിസ് ഹെല്ത്ത്കെയര് ലിമിറ്റഡ് ചീഫ് എക്സിക്യൂട്ടീവ് ഓഫീസര് സുരേന്ദ്രന് ചെമ്മന്കോട്ടില് വ്യക്തമാക്കി. ഇവിടങ്ങളിലെ ജനങ്ങളുടെ ഇടയില് മെട്രോപോളിസ് ലാബ് ശൃംഖലയ്ക്ക് വലിയ അംഗീകാരമുണ്ട്. കേരളത്തിന്റെ ആരോഗ്യഭൂപടത്തില് കുറേ കൊല്ലങ്ങളായി ഇടംപിടിച്ച മെട്രോപോളിസ് 25 ലബോറട്ടറികളും 70 കളക്ഷന് കേന്ദ്രങ്ങളുമായി സേവനം നടത്തിവരുന്നു. കുന്നംകുളത്തും തൊട്ടടുത്തുമുള്ള പ്രദേശങ്ങളിലെ രോഗികള്ക്കും ആശുപത്രികള്ക്കും ഉയര്ന്ന നിലവാരമുള്ള രോഗനിര്ണയവും പരിശോധനയും വിശ്വസനീയമായ റിപ്പോര്ട്ടുകളും കൃത്യമായി നല്കുന്നതിനാണ് പുതിയ ലാബ് ആരംഭിച്ചതെന്നും അദ്ദേഹം ചൂണ്ടിക്കാട്ടി.
സാധാരണവും സങ്കീര്ണവുമായ രോഗനിര്ണയ പരിശോധന സംവിധാനങ്ങള് കൊണ്ട് മെട്രോപോളിസ് ഡയഗ്നോസിസ് കേന്ദ്രങ്ങള് ശ്രദ്ധേയമാണെന്ന് മെട്രോപോളിസ് ഹെല്ത്ത് കെയര് ലിമിറ്റഡ് ചീഫ് ഓഫ് ലബോറട്ടറി ഡോ. സേവ്യര് തോമസ് പറഞ്ഞു. ഏറ്റവും പുതിയതും വ്യത്യസ്തവുമായ പരിശോധനകള് മെട്രോപോളിസിലുണ്ട്. ഓരോ കൊല്ലം കഴിയുന്തോറും കൂടുതല് പുതിയ പുതിയ പരിശോധനകള് ഞങ്ങള് യാഥാര്ത്ഥ്യമാക്കും. വിദഗ്ധരായ ഡോക്ടര്മാരുടെ സഹായത്തോടെയാണ് പരിശോധനകളും രോഗനിര്ണയവും നടത്തുന്നത്. ഈ ഘട്ടങ്ങളിലെല്ലാം രോഗികള്ക്ക് കരുതല് നല്കുകയും മികച്ച പരിശോധനാ റിപ്പോര്ട്ട് തയ്യാറാക്കി കൊടുക്കുകയും ചെയ്യുമെന്നും ഡോ. സേവ്യര് തോമസ് പറഞ്ഞു.
ദശാബ്ദങ്ങളുടെ അനുഭവസമ്പത്തുള്ള മെട്രോപോളിസ് ലബോറട്ടറീസിന് ഗുണനിലവാരത്തിനുള്ള നിരവധി ദേശീയ- അന്തര്ദേശീയ പുരസ്കാരങ്ങള് ലഭിച്ചിട്ടുണ്ട്. വിപുലമായ റഫറന്സ് പരിശോധനാ സംവിധാനങ്ങളാണ് മെട്രോപോളിസ് വികസിപ്പിച്ചെടുത്തിരിക്കുന്നത്. രാജ്യത്തെ ആയിരക്കണക്കിന് ലബോറട്ടറികളില് ഈ സംവിധാനം ഉപയോഗിക്കുന്നുണ്ട്.
വിളപ്പില്ശാല ആശുപത്രി മരണത്തിലെ യാഥാര്ത്ഥ്യങ്ങള് പറഞ്ഞ് ഡോ. മനോജ് വെള്ളനാട് വിളപ്പില്ശാല സാമൂഹികാരോഗ്യ കേന്ദ്രത്തില് ചികിത്സ കിട്ടാതെ 37 വയസ്സുകാരനായ…
കണ്ണൂർ: റിപ്പബ്ലിക് ദിനാഘോഷത്തിനിടെ മന്ത്രികടന്നപ്പള്ളി രാമചന്ദ്രൻ കുഴഞ്ഞുവീണു.കണ്ണൂരിലാണ് സംഭവം. കലക്ടറേറ്റ് മൈതാനിയിൽ നടന്ന പരിപാടിക്ക്സല്യൂട്ട് സ്വീകരിക്കുകയും പരേഡ് വീക്ഷിക്കുകയും ചെയ്ത…
തിരുവനന്തപുരം : നാഷണൽ കമ്മീഷൻ ഫോർ അല്ലയഡ് ആൻഡ് ഹെൽത്ത് കെയർ പ്രൊഫഷൻസ് (NCAHP) നിഷ്കർഷിക്കുന്ന മാനദണ്ഡങ്ങൾ പ്രകാരം ഫിസിയോതെറാപ്പിസ്റ്റുകൾക്കും…
തിരുവനന്തപുരം: പത്മ അവാർഡുകൾ കേരളത്തിനുള്ള അംഗീകാരമാണെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ. അന്തരിച്ച മുൻ മുഖ്യമന്ത്രി വി എസ്…
തിരുവനന്തപുരം: പുതിയ ലേബര് കോഡുകളുടെ പശ്ചാത്തലത്തില് ഡിഷ് ടിവി മേഖലയില് ജോലി ചെയ്യുന്നവരുടെ തൊഴില് സംരക്ഷണം ഉറപ്പാക്കാന് സംസ്ഥാന സര്ക്കാര്…
തിരു : ശബരിമല സ്വർണ്ണ കള്ളക്കടത്ത് കേസുമായി യാതൊരു തരത്തിലുള്ള ബന്ധവുമില്ലാത്ത സോണിയ ഗാന്ധിയെ അറസ്റ്റ് ചെയ്യണമെന്ന് ആവശ്യപ്പെടുന്ന സിപിഎം,…