ആരോഗ്യ കേരളത്തില്‍ നിന്നും കുഷ്ഠരോഗം പൂര്‍ണ്ണമായും മാറിയോ? പ്രിയ എസ് പൈ എഴുതിയ ലേഖനം വായിക്കാം

കുഷ്ഠരോഗം കേരളത്തിൽ നിന്ന് നിർമ്മാർജ്ജനം ചെയ്തു എന്ന് കരുതിയവർ ആയിരുന്നു നമ്മളേവരും. ആലപ്പുഴ ജില്ലയിലാണ് കൂടുതൽ കേസ് റിപ്പോർട്ട് ചെയ്തിരിക്കുന്നത് അഥവാ കണ്ടുപിടിച്ചിരിക്കുന്നത്. രണ്ടു കുട്ടികൾ ഉൾപ്പെടെ ഇരുപത് കേസ് ആണ് ആലപ്പുഴ മാത്രം. കേരളത്തിൽ കൂടുതലാണ്…ജാഗ്രത നിർദ്ദേശം പാലിക്കുക.

മൈക്രോ ബാക്ടീരിയം ലെപ്രെ എന്ന ബാക്ടീരിയ കാരണമുണ്ടാകുന്ന അസുഖമാണ് ലെപ്രസി.ഈ ബാക്ടീരിയ ഉള്ളിൽ ചെന്നാൽ അതിൻ്റെ ഇങ്ക്യൂബേഷൻ പിരീഡ് 3-5years ആണ്. അത് കൊണ്ട് തന്നെ ട്രീറ്റ്മെൻ്റ് ചെയ്യുമ്പോഴേക്കും രോഗാവസ്ഥ തുടങ്ങി കഴിഞ്ഞിരിക്കും.

ശരീരത്തിൽ ഉള്ള ചുമന്ന പാടുകൾ, തടിപ്പുകൾ, ഒക്കെ നിസ്സാരമായി കളയാതെ ഇരിക്കുക. പാടുകളിൽ സ്പർശന ശേഷി ഇല്ലാത്ത അവസ്ഥ ആയിരിക്കും. എന്നിരുന്നാൽ തന്നെയും മുഖത്ത് ഇതേ അവസ്ഥയിൽ ഉള്ള പാടുകൾ ആണെങ്കിലും അവിടം sensational organs കൂടുതൽ ഉള്ളതിനാൽ സ്പർശന ശേഷി ഉണ്ടാകും. ഈ അസുഖത്തിൻ്റ ലക്ഷണമായ ചുമന്നതോ തടിച്ചതോ ആയ പാടിൽ ചൊറിച്ചിലോ വേദനയോ ഉണ്ടായിരിക്കില്ല. രോഗി തുമ്മുകയോ ചുമയ്ക്കുകയോ ചെയ്യുമ്പോൾ വായുവിലൂടെ പകരുന്ന അസുഖമാണെങ്കിലും സമ്പർക്കത്തിലൂടെയും രോഗം പകരാം. കൃത്യമായ മരുന്നുകൾ ഉണ്ട്. അതിനെ MDT അഥവാ Multy Drug Therapy എന്ന് പറയുന്നു. ആറു മാസം മുതൽ പന്ത്രണ്ട് മാസക്കാലം വരെ കഴിക്കേണ്ടുന്ന മരുന്നാണ്. രോഗം മൂർച്ഛിക്കാൻ തുടങ്ങുമ്പോഴാണ് കൈവിരൽ മടങ്ങുക. ആദ്യം ചെറുവിരൽ, മോതിരവിരൽ എന്നിവയാണ് പിന്നെ പതുക്കെ ബാക്കി ഉള്ളതും. കാൽപ്പത്തിയിലും കൈപ്പത്തിയിലും സ്പർശനശേഷിയില്ലാതെ വ്രണങ്ങൾ ഉണ്ടാകും. ചിലർക്ക് കൺപോളകൾ അടയ്ക്കാൻ പറ്റില്ല.

നമുക്ക് ഇപ്പൊ ചെയ്യാൻ പറ്റുന്നത്.

കുട്ടികളുടെ ദേഹപരിശോധന നടത്തുക, നമ്മുടെ ദേഹത്തും ഏതെങ്കിലും തരത്തിലുള്ള പാടുകൾ ഉണ്ടെങ്കിലും നിസ്സാരവത്കരിക്കാതെ ആരോഗ്യകേന്ദ്രത്തിൽ എത്തിച്ചേരുക (കാണാമറയത്തും ആകാം, തലയിൽ വരെ നോക്കുക) എൻ്റെ അപേക്ഷയായി കണക്കാക്കുക. രോഗ നിർണയം നടത്തുക. പോസിറ്റീവ് ആണെങ്കിൽ പേടിക്കാതെ ആറു മാസം മുതൽ പന്ത്രണ്ട് മാസം വരെയുള്ള മരുന്നുകൾ കഴിക്കുക.

രോഗം പൂർണ്ണമായി മാറ്റുക..🙏

ആർക്കും ഒരസുഖവും വരാതെ ഇരിക്കട്ടെ.

ഏവർക്കും നല്ല ആരോഗ്യം കിട്ടാൻ പ്രാർത്ഥിച്ചു കൊണ്ട് 🙏🙏🙏

പ്രിയ. എസ്. പൈ.