തിരുവനന്തപുരം: ഭിന്നശേഷി പഠനമേഖലയില്‍ ഭാഷാ വികസനം സാധ്യമാക്കാന്‍ തിരൂര്‍ തുഞ്ചത്തെഴുത്തച്ഛന്‍ മലയാളം സര്‍വകലാശാലയും തിരുവനന്തപുരം ഡിഫറന്റ് ആര്‍ട് സെന്ററും കൈകോര്‍ക്കുന്നു. ഇതുസംബന്ധിച്ച് മലയാളം സര്‍വകലാശാലാ രജിസ്ട്രാര്‍ ഡോ.ഭരതന്‍ കെ.എമ്മും ഡിഫറന്റ് ആര്‍ട് സെന്റര്‍ എക്‌സിക്യുട്ടീവ് ഡയറക്ടര്‍ ഗോപിനാഥ് മുതുകാടും തമ്മില്‍ ധാരണയായി. ഇതിനോടനുബന്ധിച്ച് ഇന്നലെ (വെള്ളി) ഡിഫറന്റ് ആര്‍ട് സെന്ററില്‍ നടന്ന ചടങ്ങില്‍ ധാരണാപത്രം ഇരുസ്ഥാപനങ്ങളും ഒപ്പിട്ടു. തുഞ്ചത്തെഴുത്തച്ഛന്‍ സര്‍വകലാശാലയ്ക്കുവേണ്ടി ഭാഷാശാസ്ത്ര സ്‌കൂള്‍ ഡയറക്ടര്‍ ഡോ.സ്മിത കെ.നായര്‍, ഡിഫന്റ് ആര്‍ട് സെന്റര്‍ എക്‌സിക്യുട്ടീവ് ഡയറക്ടര്‍ ഗോപിനാഥ് മുതുകാട് എന്നിവര്‍ ഉടമ്പടികള്‍ പരസ്പരം കൈമാറി.
ചടങ്ങില്‍ കേരള കലാമണ്ഡലം മുന്‍ ചെയര്‍മാന്‍ ഡോ.പ്രൊ.വി.ആര്‍ പ്രബോധചന്ദ്രന്‍ നായര്‍ മുഖ്യപ്രഭാഷണം നടത്തി. ഭാഷയും കലയും ഒരുമിച്ച് പഠിക്കുവാന്‍ ഭിന്നശേഷിക്കുട്ടികള്‍ക്ക് ലഭിക്കുന്ന അപൂര്‍വ അവസരമാണ് ഈ ഉടമ്പടിയെന്നും ഭാഷയില്‍ ഒളിഞ്ഞിരിക്കുന്ന താളത്തെ തിരിച്ചറിഞ്ഞ് അതിലൂടെ സൈക്കോ മോട്ടോര്‍ തലങ്ങളിലെ വികാസം സാധ്യമാക്കാന്‍ ഈ പഠനപദ്ധതിക്ക് കഴിയുമെന്നും അദ്ദേഹം പറഞ്ഞു. മുന്‍ ഡീന്‍ ആന്റ് സീനിയര്‍ പ്രൊഫസര്‍ ഡോ.അച്യുത്ശങ്കര്‍ എസ്.നായര്‍, ലിംഗ്വിസ്റ്റ് ഡോ.മേരിക്കുട്ടി കെ.എം എന്നിവര്‍ പങ്കെടുത്തു. ഡിഫറന്റ് ആര്‍ട് സെന്ററിലെ ലിംഗ്വിസ്റ്റ് ഡോ.മേരിക്കുട്ടി തയ്യാറാക്കിയ ഭാഷാ പഠനത്തിനുള്ള ഹാന്‍ഡ് ബുക്കിന്റെ പ്രകാശനവും നടന്നു.
ഈ കരാറിലൂടെ ഇരുസ്ഥാപനങ്ങളും സഹകരിച്ച് അധ്യാപനത്തെ വികസിപ്പിക്കുക, വിദ്യാര്‍ത്ഥികള്‍, അധ്യാപകര്‍, ഗവേഷകര്‍, ഉദ്യോഗസ്ഥര്‍ എന്നിവര്‍ തമ്മിലുള്ള പരസ്പരസഹകരണത്തോടെയുള്ള ഗവേഷണം പ്രോത്സാഹിപ്പിക്കുക, വിഭവശേഷികൈമാറ്റം നടത്തുക, ഭാഷാഭിന്നശേഷീപഠനമേഖലയില്‍ ഭാഷാവികാസത്തിലുണ്ടാകുന്ന കാലതാമസം, വിവിധതരം ഭാഷാഭിന്നശേഷികള്‍ തുടങ്ങിയവയുടെ പരിശോധനക്കാവശ്യമായ സാമഗ്രികള്‍ വികസിപ്പിക്കല്‍, തെറാപ്പി മൊഡ്യൂളുകള്‍ വികസിപ്പിച്ചെടുക്കല്‍, വിപുലമായ ഭാഷാഭിന്നശേഷീകോര്‍പ്പസ് നിര്‍മ്മാണം തുടങ്ങി നിരവധി പ്രവര്‍ത്തനങ്ങള്‍ നടത്തുവാനാണ് ലക്ഷ്യമിടുന്നത്.
തിരുവനന്തപുരം: രണ്ടര കിലോയില്‍ അധികം കഞ്ചാവുമായി യുവാവ് പിടിയില്‍. പേയാട് സ്വദേശി വിഷ്ണുവാണ് എക്‌സൈസ് സംഘത്തിന്റെ പിടിയിലായത്.നെയ്യാറ്റിന്‍കര കുന്നത്തുകാലില്‍ ആണ്…
കുട്ടികളുടെ അവകാശങ്ങൾ നിഷേധിക്കാൻ അനുവദിക്കില്ല: മന്ത്രി വി. ശിവൻകുട്ടികുട്ടികളുടെ പഠനം, സമാധാനം, അവകാശങ്ങൾ എന്നിവ ഏത് സാഹചര്യത്തിലും നിഷേധിക്കാൻ അനുവദിക്കില്ലെന്ന്…
സംസ്ഥാനത്ത് മാറ്റം കൊണ്ട് വരുന്നതിൽ ഗ്രാമപഞ്ചായത്തുകളുടെ പങ്ക് വലുതാണ്: മന്ത്രി കെ എൻ. ബാലഗോപാൽസംസ്ഥാനത്ത് സാധാരണ ജനങ്ങളുടെ ഇടയിൽ മാറ്റം…
ജനങ്ങളുടെ പങ്കാളിത്തമാണ് പൊതുവിദ്യാഭ്യാസത്തിന്റെ ശക്തി: മന്ത്രി വി. ശിവന്‍കുട്ടിജനങ്ങളുടെ പങ്കാളിത്തമാണ് പൊതുവിദ്യാഭ്യാസത്തിന്റെ ശക്തിയെന്ന് പൊതുവിദ്യാഭ്യാസവും തൊഴിലും വകുപ്പ് മന്ത്രി വി.ശിവന്‍കുട്ടി.…
ബിജെപി സംസ്ഥാന സെൽ കൺവീനർ മീറ്റ്;പിണറായി സർക്കാരിനെ ജനം പുറത്താക്കും: രാജീവ് ചന്ദ്രശേഖർതിരുവനന്തപുരം: ശബരിമലയിലെ അയ്യപ്പസ്വാമിയുടെ നാലരക്കിലോ സ്വർണ്ണം കൊള്ളയടിച്ച…
തിരുവനന്തപുരം: ആഗോള കൈകഴുകൽ ദിനത്തിൽ മെഡിക്കൽ കോളേജ് ആശുപത്രിയിൽ ശാസ്ത്രീയവും ഫലപ്രദവുമായ കൈകഴുകലിന്റെ പ്രാധാന്യത്തെക്കുറിച്ചും കൈകഴുകലിന്റെ ആറു ഘട്ടങ്ങളെക്കുറിച്ചും ബോധവത്കരണ…