തിരുവനന്തപുരം നഗരസഭയും റഷ്യയിലെ Novgorod നഗരസഭയും തമ്മിലെ സഹകരണ ചർച്ച

തിരുവനന്തപുരം നഗരസഭയും റഷ്യയിലെ Novgorod നഗരസഭയും തമ്മിലുള്ള സഹകരണ പദ്ധതിയുടെ പ്രാരംഭ ചർച്ചകൾ ഇന്ന് തിരുവനന്തപുരം മസ്ക്കറ്റ് ഹോട്ടലിൽ നടന്നു. സാംസ്കാരികമായും പൈതൃകപരമായും വളരെ പ്രത്യേകതകളുള്ള രണ്ട് നഗരങ്ങളാണ് റഷ്യയിലെ Novgorod നഗരവും തിരുവനന്തപുരവും. സാംസ്കാരിക പൈതൃകവും ടൂറിസത്തിൻറെ സാധ്യതകളും ആധുനിക സാങ്കേതിക വ്യവസായങ്ങളുടെ സാധ്യതകളും ഇരുനഗരങ്ങളെയും സഹകരണത്തിൻറെ ഭാഗമാക്കുന്നതിന് തെരഞ്ഞെടുത്തിട്ടുണ്ട്. യുനസ്കോയുടെ സംരക്ഷണ പാരമ്പര്യമുള്ള റഷ്യയിലെ ഏറ്റവും പ്രാധാന്യമുള്ള ഒരു തുറമുഖനഗരമാണ് ഇത്. സിറ്റി മേയർ Aleksandr Rozbaum യൂണിവേഴ്സിറ്റി വൈസ് ചാൻസിലർ, Yuryborovikov ഡെപ്യൂട്ടി ചെയർമാൻ Maleko Llya Sergeevich എന്നിവർ ചർച്ചയിൽ പങ്കെടുത്തു. തിരുവനന്തപുരത്തുള്ള റഷ്യൻ കോൺസുലേറ്റിൻറെ ആഭിമുഖ്യത്തിലാണ് ഈ ചർച്ച സംഘടിപ്പിച്ചത്. ആരോഗ്യ മേഖലയിലും മാലിന്യ സംസ്കരണത്തിലും പൈതൃക സംസ്കരണത്തിലും ടൂറിസം വികസനത്തിലും ഇരുനഗരങ്ങളുടെയും സാധ്യതകൾ പദ്ധതിയിലൂടെ മെച്ചപ്പെടുത്താൻ സാധിക്കും. കൌൺസിൽ ഈ പദ്ധതി അംഗീകരിച്ച് സംസ്ഥാന സർക്കാരിൻറെയും കേന്ദ്ര സർക്കാരിൻറെയും അനുമതിയോടുകൂടി നടപ്പിലാക്കുന്നതോടുകൂടി തുടർ പ്രവർത്തനങ്ങൾ നടപ്പിലാക്കാൻ കഴിയും.