അര നൂറ്റാണ്ടിന്റെ പാരമ്പര്യമുള്ള മാർഗിയുടെ നാട്യഗൃഹത്തിൽ കഴിഞ്ഞ ദിവസം പുതിയൊരു ചരിത്രം മുദ്ര ചാർത്തി. നങ്ങ്യാർകൂത്തിൽ ആദ്യമായി ഒരു മുസ്ലിം യുവതിയുടെ അരങ്ങേറ്റം. കഥ ശ്രീകൃഷ്ണലീല. മാർഗി ഉഷയാണ് ഗുരു. തിരുവനന്തപുരം ശ്രീകാര്യം സ്വദേശിയാണ് ഷിബിന റംല (37). ബംഗളൂരുവിലെ ക്രാഫ്റ്റോൺ ഇന്ത്യ കമ്പനിയുടെ എച്ച്.ആർ. അസോസിയേറ്റ് ഡയറക്ടറാണ്. ചെറുപ്പത്തിലേ നൃത്തത്തോട് താത്പര്യമായിരുന്നു. മോഹിനിയാട്ടവും പാശ്ചാത്യനൃത്തവും പഠിച്ചിട്ടുണ്ട്.
രണ്ടു വർഷം മുമ്പ് സമൂഹമാദ്ധ്യമം വഴിയാണ് നങ്ങ്യാർകൂത്ത് പഠിപ്പിക്കുന്ന മാർഗി ഉഷയെപ്പറ്റി അറിയുന്നത്. മോഹം കലശലായതോടെ ഗുരുവിനെ വിളിച്ച് സംസാരിച്ചു. കൊവിഡ് കാലത്ത് ഓൺലൈൻ പഠനം. സൂമിൽ ആഴ്ചയിൽ മൂന്ന് ക്ലാസ്. മുദ്രകളും സംസ്കൃത ശ്ലോകങ്ങളും ഹൃദിസ്ഥമാക്കി. ജോലി കഴിഞ്ഞ് ബംഗളൂരുവിലെ ട്രാഫിക്ക് ബ്ലോക്കിൽ രണ്ടു മണിക്കൂറിലേറെ കിടക്കേണ്ടി വരും. അതിനുശേഷം രാത്രിയിലായിരുന്നു പഠനം.
എന്റെ സ്വഭാവത്തിലെ കുട്ടിത്തം കണ്ടാണ് ടീച്ചർ ശ്രീകൃഷ്ണലീല പഠിപ്പിച്ചത്.
പുഞ്ചിരിയോടെ ഷിബിന പറയുന്നു. ശ്രീകൃഷ്ണനിൽ ഷിബിനയ്ക്ക് ഏറ്റവും പ്രീയപ്പെട്ടതും കുസൃതി തന്നെ. മൂന്നാഴ്ച മുമ്പാണ് വലിയശാല മാർഗി കൂടിയാട്ട വിദ്യാലയത്തിലെത്തി അരങ്ങേറ്റത്തിന്റെ മിനുക്കുപണി നടത്തിയത്. ബംഗളൂരുവിൽ എൻജിനിയറായ ഭർത്താവ് സുരാജും നാലാം ക്ലാസ് വിദ്യാർത്ഥിയായ മകൾ മിഹിരയും അരങ്ങേറ്റത്തിന് എത്തി.
കലയ്ക്ക് ജാതിയും മതവും ഇല്ല. പ്രവേശനമുള്ള അമ്പലങ്ങളിൽ പോകാറുണ്ട്. അമ്പലത്തിൽ അവതരിപ്പിക്കാൻ അവസരം കിട്ടിയാൽ സന്തോഷമെന്ന് ഷിബിന റംല പറയുമ്പോൾ അതൊരു ആശ്വാസമാണ്. വേലിക്കെട്ടുകളും മതിൽക്കെട്ടുകളും തകർത്തുകൊണ്ട് ശുദ്ധമായ കല അംഗീകരിക്കപ്പെടുന്നുവെന്ന ആശ്വാസം.
ചിത്രങ്ങള്: ബിജു ജോസ്വിന്
റിബല് സ്റ്റാര് പ്രഭാസിനെ നായകനാക്കി നാഗ് അശ്വിന് സംവിധാനം ചെയ്യുന്ന ‘കൽക്കി 2898 എഡി’ എന്ന ചിത്രത്തിന്റെ പുതിയ അപ്ഡേറ്റ്…
സംസ്ഥാന സർക്കാർ സ്ഥാപനമായ കേരള മീഡിയ അക്കാദമിയുടെ ഇൻസ്റ്റിറ്റ്യൂട്ട് ഓഫ് കമ്യൂണിക്കേഷൻ നടത്തുന്ന പിജി ഡിപ്ലോമ കോഴ്സ് പ്രവേശനത്തിന് അപേക്ഷ…
നെടുമങ്ങാട്: നെടുമങ്ങാട് സാംസ്കാരിക വേദിയുടെ ആഭിമുഖ്യത്തിൽ പ്ലസ്ടു പരീക്ഷയിൽ ഫുൾ എ പ്ലസ് വാങ്ങി വിജയിച്ച കേരള ഫ്രൂട്സ് ആന്റ്…
തിരുവനന്തപുരം: സംസ്ഥാനത്തെ ഉന്നത വിദ്യാഭ്യാസ സ്ഥാപനങ്ങളില് അടുത്ത അധ്യയന വര്ഷം മുതല് നടപ്പിലാക്കുന്ന നാലുവര്ഷ ബിരുദ പദ്ധതിയോടനുബന്ധിച്ച് കേരള സംസ്ഥാന…
മയക്കുമരുന്ന് വിപത്തിനെതിരെ സമൂഹമൊന്നാകെ രംഗത്തിറങ്ങണമെന്ന് പൊതുവിദ്യാഭ്യാസവും തൊഴിലും വകുപ്പ് മന്ത്രി വി ശിവൻകുട്ടി. ഇതിനായി ജനജാഗ്രതാ സമിതികൾ ശക്തമാക്കണം.നേമത്ത് വില്ലേജ്തല…
തിരുവനന്തപുരം: ശ്രീലങ്കയിൽ നടന്ന രണ്ടാമത് ഇൻറ്റർ നാഷണൽ റോളർനെറ്റഡ്ബാൾ ചാമ്പ്യന്ഷിപ്പിൽ വിളപ്പിൽശാല അനന്തഭദ്രത്തിൽ ഗീതു - സജി ദമ്പതികളുടെ മകനായ…