ലത്തീൻ അതിരൂപത നയിക്കുന്ന വിഴിഞ്ഞം സമരത്തിൽ സമരക്കാരുടെ ക്രൂരമായ ആക്രമണത്തിന് ഇരയായ പ്രാദേശിക മാധ്യമപ്രവർത്തകനും വീഡിയോ എഡിറ്ററുമായ ഷെരീഫ് എം ജോർജിനെ എ കെ പി എ സംസ്ഥാന കമ്മിറ്റി അംഗങ്ങൾ സന്ദർശിച്ചു. സംസ്ഥാന പ്രസിഡൻറ് ഗിരീഷ് പട്ടാമ്പി, സംസ്ഥാന സെക്രട്ടറി ഹേമേന്ദ്രനാഥ്, ജില്ലാ പി ആര്‍ ഓ സന്തോഷ്, വനിതാ കോഡിനേറ്റർ ധന്യ തുടങ്ങിയവർ സന്ദർശിച്ചു. ഷെരീഫ് എം ജോർജ് നിലവിൽ ഓൾ കേരള ഫോട്ടോഗ്രാഫി അസോസിയേഷൻ വെങ്ങാനൂർ മേഖല പിആർഒ ആണ്. സംസ്ഥാന കമ്മിറ്റിയും ഇദ്ദേഹത്തിനെതിരെ ഉണ്ടായ ആക്രമണത്തിൽ പ്രതിഷേധം രേഖപ്പെടുത്തി. ഇദ്ദേഹത്തിനെതിരെ ഉണ്ടായ ആക്രമണത്തിൽ നിയമനടപടികൾ സ്വീകരിക്കുമെന്നും അറിയിച്ചു.
