കെ ആർ നാരായണൻ ഇൻസ്റ്റിറ്റ്യൂട്ട്: വിദ്യാർത്ഥികളുമായി മന്ത്രി ഡോ. ആർ. ബിന്ദു ചർച്ച നടത്തി

കെ ആർ നാരായണൻ നാഷണൽ ഇൻസ്റ്റിറ്റ്യൂട്ട് ഓഫ് വിഷ്വൽ സയൻസ് ആൻഡ് ആർട്സിലെ വിദ്യാർത്ഥികൾ ഉന്നയിച്ച വിഷയങ്ങൾക്ക് നീതിപൂർവ്വകമായ പരിഹാരമുണ്ടാക്കുമെന്ന് ഉന്നതവിദ്യാഭ്യാസ- സാമൂഹ്യനീതി മന്ത്രി ഡോ. ആർ. ബിന്ദു വിദ്യാർത്ഥികളെ അറിയിച്ചു. ഇൻസ്റ്റിറ്റ്യൂട്ട് ഡയറക്ടറും വിദ്യാർത്ഥി പ്രതിനിധികളും പങ്കെടുത്ത ചർച്ചയിൽ ഇരു പക്ഷത്തിനും പറയാനുള്ളത് വിശദമായി കേട്ടുവെന്നും മന്ത്രി പറഞ്ഞു.

വിദ്യാർത്ഥികൾ ഉന്നയിച്ച വിഷയങ്ങൾ പഠിക്കാൻ ഉയർന്ന ഉദ്യോഗസ്ഥരടങ്ങുന്ന സംഘത്തെ നിയോഗിക്കാൻ ഇതിനകം തീരുമാനിച്ചിട്ടുണ്ട്. എത്രയും വേഗം ഇവർ നടപടിക്രമങ്ങൾ പൂർത്തിയാക്കും. ഇതിന്റെ പശ്ചാത്തലത്തിൽ വിദ്യാർത്ഥിസമരം നിർത്തി വെക്കണമെന്ന് സമരത്തിന് നേതൃത്വം നൽകുന്ന സ്റ്റുഡന്റ്സ് കൗൺസിലിനോട് അഭ്യർത്ഥിച്ചിട്ടുണ്ടെന്നും മന്ത്രി ഡോ. ബിന്ദു പറഞ്ഞു.