കരകുളം കരയാളത്തുകോണത്ത് കെ-സ്റ്റോര് തുറന്നുഒരു പ്രതിസന്ധിയിലും കേരളത്തിലെ പൊതുവിതരണ മേഖല തകരാനോ, ജനങ്ങള്ക്ക് ബുദ്ധിമുട്ടുണ്ടാകാനോ സര്ക്കാര് അനുവദിക്കില്ലെന്ന് ഭക്ഷ്യ- പൊതുവിതരണ വകുപ്പ് മന്ത്രി ജി. ആര് അനില് പറഞ്ഞു. കരകുളം ഗ്രാമപഞ്ചായത്തിലെ കരയാളത്തുകോണത്തെ 442-ാം നമ്പര് റേഷന് കട കെ -സ്റ്റോര് ആക്കി ഉയര്ത്തുന്ന ചടങ്ങില്, ഉദ്ഘാടനം നിര്വഹിച്ച് സംസാരിക്കുകയായിരുന്നു അദ്ദേഹം.
റേഷന് കടകളെ കാലാനുസൃതമായി പരിഷ്കരിക്കുകയെന്നതാണ് കെ -സ്റ്റോറിന് പിന്നിലെ ആശയമെന്നും മന്ത്രി പറഞ്ഞു. നെടുമങ്ങാട് ബ്ലോക്ക് പഞ്ചായത്ത് പ്രസിഡന്റ് വി.അമ്പിളി കെ -സ്റ്റോറിലെ ആദ്യ വില്പന നടത്തി.
സര്ക്കാരിന്റെ രണ്ടാം വാര്ഷികത്തോടനുബന്ധിച്ച് നൂറു ദിന പരിപാടിയില് ഉള്പ്പെടുത്തിയാണ് റേഷന് കടകളെ കെ-സ്റ്റോറുകളാക്കി മാറ്റിയത്. പദ്ധതിയുടെ ആദ്യഘട്ടത്തില് നെടുമങ്ങാട് താലൂക്കിലെ മൂന്ന് റേഷന് കടകളും രണ്ടാംഘട്ടത്തില് അഞ്ച് റേഷന്കടകളേയും കെ-സ്റ്റോര് ആക്കി ഉയര്ത്തിയിരുന്നു. മൂന്നാം ഘട്ട പദ്ധതിയില് നെടുമങ്ങാട് താലൂക്കിലെ 14 റേഷന് കടകള് കൂടി കെ-സ്റ്റോര് ആയി മാറും. പദ്ധതി പ്രകാരം റേഷന്കടകളുടെ പശ്ചാത്തല സൗകര്യം വികസിപ്പിക്കുകയും
നിലവില് റേഷന്കാര്ഡുകള്ക്ക് ലഭിക്കുന്ന ഭക്ഷ്യധാന്യങ്ങള്ക്ക് പുറമേ ശബരി, മില്മ ഉത്പന്നങ്ങളും അഞ്ച് കിലോ തൂക്കമുള്ള ഛോട്ടു ഗ്യാസ് സിലിണ്ടറുകളും കെ-സ്റ്റോറുകളിലൂടെ ലഭ്യമാക്കും. ഇലക്ട്രിസിറ്റി ബില്, ടെലഫോണ് ബില് എന്നിവയുടെ അടവ്, പഞ്ചായത്ത് വില്ലേജ്-സപ്ലൈ ഓഫീസുകളില് നിന്നുള്ള ഓണ്ലൈന് സേവനങ്ങള്, 10,000 രൂപ വരെയുള്ള ബാങ്കിങ് സൗകര്യങ്ങള് എന്നിവയും ഘട്ടം ഘട്ടമായി കെ-സ്റ്റോറില് ലഭ്യമാക്കും.
കരകുളം ഗ്രാമ പഞ്ചായത്ത് പ്രസിഡന്റ് യു. ലേഖാറാണി അധ്യക്ഷത വഹിച്ച ചടങ്ങില്, നെടുമങ്ങാട് ബ്ലോക്ക് പഞ്ചായത്ത് വൈസ് പ്രസിഡന്റ് പി. വൈശാഖ് , കരകുളം ഗ്രാമപഞ്ചായത്ത് സ്റ്റാന്റിങ് കമ്മിറ്റി അധ്യക്ഷന്മാര്, മെമ്പര്മാര്, ജില്ലാ സപ്ലൈ ഓഫീസര് എ. ജെ മാത്യു എന്നിവര് പങ്കെടുത്തു.
അങ്കമാലി: അതിസങ്കീർണ്ണമായ നാല് മഹാധമനി ശസ്ത്രക്രിയകൾ വിജയകരമായി പൂർത്തിയാക്കി അങ്കമാലി അപ്പോളോ അഡ്ലക്സ് വൈദ്യശാസ്ത്ര രംഗത്ത് ശ്രദ്ധേയമായ നേട്ടം കൈവരിച്ചു.…
വാളുകൊണ്ട് ആക്രമിക്കാൻ ശ്രമം; തിരുവനന്തപുരത്ത് കാപ്പാ കേസ് പ്രതിക്കുനേരെ പൊലീസ് വെടിയുതിർത്തു.ആര്യങ്കോട് കാപ്പാ കേസ് പ്രതിക്കുനേരെ പൊലീസ് വെടിയുതിർത്തു. പ്രതിയായ…
സാബു കക്കട്ടിൽ സംവിധാനം ചെയ്യുന്ന പ്രകാശം പരത്തുന്ന പെൺകുട്ടി എന്ന ചിത്രത്തിന്റെ ഓഡിയോ ലോഞ്ച് കോഴിക്കോട് പഴശ്ശിമ്യൂസിയം പ്രിവ്യൂ തീയേറ്ററിൽ…
സ്കോട്ട്ലാൻഡ്: 2026-ൽ നടക്കാനിരിക്കുന്ന സ്കോട്ട്ലൻഡ് പാർലമെൻ്റ് തെരഞ്ഞെടുപ്പിന് മുന്നോടിയായി എഡിൻമ്പ്രയിൽ നടന്ന ഭരണകക്ഷിയായ സ്കോട്ടിഷ് നാഷണൽ പാർട്ടിയുടെ (എസ് എൻ…
ഇന്ത്യയുടെ ബഹിരാകാശ–രക്ഷാ ദൗത്യങ്ങൾക്ക് മൂന്ന് ദശകത്തിലേറെയായി സമാനതകളില്ലാത്ത സാങ്കേതിക പിന്തുണ നൽകുന്ന ഹൈദരാബാദ് ആസ്ഥാമായി ബാംഗ്ലൂർ ഉൾപ്പെടെയുള്ള നഗരങ്ങളിൽ പ്രവർത്തിച്ചു…
PMG തൊഴിൽ ഭവനിൽ ജില്ലാ ലേബർ ഓഫീസറുടെ മുമ്പിൽ നാമനിർദ്ദേശ പത്രികയുടെ സൂക്ഷ്മപരിശോധനയ്ക്കെത്തിയ കണ്ണമ്മൂല സ്വതന്ത്ര സ്ഥാനാർത്ഥിയും പ്രസ് ക്ലബ്…