ഡോ. അഹമ്മദുൽ കബീർ എ. പി. കേരള സംസ്ഥാന സാക്ഷരതാമിഷൻ ഡയറക്ടർ

തിരുവനന്തപുരം: കേരള സംസ്ഥാന സാക്ഷരതാമിഷൻ അതോറിറ്റിയുടെ ഡയറക്ടറായി ഡോ. അഹമ്മദുൽ കബീർ എ. പി. ചുമതലയേറ്റു. സൗത്ത് ബിഹാർ സെൻട്രൽ യൂണിവേഴ്സിറ്റിയിലെ സോഷ്യോളജിക്കൽ സ്റ്റഡീസ് വിഭാഗത്തിൽ സീനിയർ അസിസ്റ്റന്റ് പ്രൊഫസറാണ്.

വിദ്യാഭ്യാസവിദഗ്ദ്ധനായ ഡോ. അഹമ്മദുൽ കബീർ ജവഹർലാൽ നെഹ്റു സർവകലാശാലയിൽ നിന്ന് ബിരുദാനന്തര ബിരുദവും, ഹൈദരാബാദ് സെൻട്രൽ യൂണിവേഴ്സിറ്റിയിൽ നിന്ന് എം.ഫിൽ ബിരുദവും, ജവഹർലാൽ നെഹ്റു സർവകലാശാലയിൽ നിന്ന് പി.എച്ച്.ഡിയും കരസ്ഥമാക്കിയിട്ടുണ്ട്. വിദ്യാഭ്യാസത്തിന്റെ സാമൂഹ്യശാസ്ത്രം (Sociology of Education), രാഷ്ട്രീയ സാമൂഹ്യശാസ്ത്രം (Political Sociology), സാമൂഹിക പ്രസ്ഥാനങ്ങളുടെ സാമൂഹ്യശാസ്ത്രം (Sociology of Social Movements), മാധ്യമങ്ങളും സമൂഹവും (Media and Society) എന്നിവയാണ് അദ്ദേഹത്തിന്റെ പ്രധാന പഠന-ഗവേഷണ മേഖലകൾ.
കോഴിക്കോട് ജില്ലയിലെ പുതുപ്പാടി സ്വദേശിയായ ഇദ്ദേഹം ഉന്നത വിദ്യാഭ്യാസ മേഖലയിലെ അധ്യാപനത്തിനും ഗവേഷണത്തിനുമൊപ്പം സാമൂഹ്യശാസ്ത്രവുമായി ബന്ധപ്പെട്ട വിവിധ അക്കാദമിക പ്രവർത്തനങ്ങളിലും ഗവേഷണങ്ങളിലും സജീവമാണ്.