ഭീഷണിപ്പെടുത്തി ബ്ലൂ ഫിലിം നിർമ്മാണം: മുഖ്യ പ്രതികൾ പൊലീസിന് മുന്നിൽ കീഴടങ്ങാൻ ഹൈകോടതി നിർദ്ദേശം

കൊച്ചി: അശ്ളീല വെബ്‌സീരീസും, ഷോർട് ഫിലിമുകളും പ്രക്ഷേപണം ചെയ്തു വരുന്ന ‘യെസ്മ‘ എന്ന ഓ.റ്റി.റ്റി പ്ലാറ്റഫോമിന്റെ നടത്തിപ്പുകാരിയായ ശ്രീല പി മണി എന്ന് വിളിക്കുന്ന ലക്ഷ്മി ദീപ്തയെയും, സി. ഇ. ഓ ആയ അബിസൺ. എ. എൽ നെയും കോവളം പോലീസ് സ്റ്റേഷനിലെ അന്വേഷണ ഉദ്യോഗസ്ഥന് മുന്നിൽ കീഴടങ്ങാൻ ഹൈ കോടതി ഉത്തരവ് . യുവതിയെ ഭീഷണിപ്പെടുത്തി അശ്ളീല വെബ്‌സീരിസിൽ അഭിനയിപ്പിച്ചു എന്ന് കോവളം പോലീസ് രജിസ്റ്റർ ചെയ്ത കേസിൽ മുഖ്യ പ്രതികൾ തിരുവനന്തപുരം സെഷൻ കോടതി മുൻപാകെ സമർപ്പിച്ച മുൻ‌കൂർ ജാമ്യ അപേക്ഷ തള്ളിയതിന് പിന്നാലെ ആണ് മുൻ‌കൂർ ജാമ്യം തേടി പ്രതികൾ ഹൈകോടതിയെ സമീപിച്ചത്.

എഗ്രിമെന്റ് പ്രകാരം പ്രതിഫലം വാങ്ങി അഭിനയിച്ചതിന് ശേഷം ഇപ്പോൾ കേസ് ഫയൽ ചെയ്തിരിക്കുന്നത് കൂടുതൽ പണം പ്രതികളിൽ നിന്ന് നേടാൻ ആണെന്നായിരുന്നു പ്രതികളുടെ വാദം.എന്നാൽ കോടതി മുൻപാകെഹാജരാക്കിയിരിക്കുന്ന എഗ്രിമെന്റ് വ്യാജമാണെന്ന് ഇരയ്ക്ക് വേണ്ടി ഹാജരായ അഡ്വക്കേറ്റ് ദീപക് ട്വിങ്കിൾ സനൽനു ഹൈക്കോടതിയെ ബോധ്യപ്പെടുത്തുവാൻ സാധിച്ചു. കൂടാതെ ഇര പ്രതികൾക്ക് അങ്ങോട്ട് പണം കൊടുത്തു അശ്ളീല വീഡിയോ ഡിലീറ്റ് ചെയ്യാൻ ആവശ്യപ്പെടുന്ന വാട്സ്ആപ് മെസ്സേജ് കോടതി മുൻപാകെ വായിച്ചു കേൾപ്പിച്ചു. ഇനി ഇത്തരത്തിലുള്ള പരാതി പ്രതികൾക്കെതിരെ ഉണ്ടായാൽ അതി കർശനമായ നടപടികൾ ഉണ്ടാകുമെന്നു ഹൈക്കോടതി പുറപ്പെടുവിച്ച ഉത്തരവിൽ പ്രത്യേകം എടുത്തുപറയുന്നു.