ഹാം റേഡിയോ ഓപ്പറേറ്റർമാരുടെ സേവനം ആറ്റുകാൽ പൊങ്കാലയ്ക്ക് ഭക്തജനങ്ങൾക്ക് സഹായകമായി

ദശലക്ഷത്തോളം പൊതുജനങ്ങൾ പങ്കെടുക്കുന്ന ആറ്റുകാൽ പൊങ്കാലയ്ക്ക് ദുരന്തനിവാരണത്തിൻ്റെ ഭാഗമായി ഹാം റേഡിയോ രംഗത്ത്.

ദുരന്ത വേളയിൽ മറ്റ് ആശയവിനിമയ ഉപാധികൾ നിലയ്ക്കുമ്പോൾ ഒരു ബാറ്ററിയുടെ മാത്രം സഹായത്തോടെ പ്രവർത്തിക്കുന്ന ഹാം റേഡിയോ സംവിധാനം നിലനിൽക്കുന്നത് ഇത്തരം സാഹചര്യങ്ങളിൽ പ്രയോജനപ്പെടുന്നു. അത്കൊണ്ട് ഇത്തരം ദുരന്ത വേളയിൽ ജില്ലാഭരണകൂടം ഹാം റേഡിയോ ഓപ്പറേറ്റർമാരുടെ സഹായം തേടാറുണ്ട്. ഇത്രയും ജനങ്ങൾ തിങ്ങി കൂടുന്ന പൊങ്കാല വേളയിൽ മൊബൈൽ സിഗ്നലുകൾ ജാം ആയി പ്രവർത്തനരഹിതമാകുന്ന സാഹചര്യത്തിലും അതുപോലെ ആശയവിനിമയം ലഘൂകരിക്കുന്നതിനും എല്ലാ വർഷത്തെയും പോലെ ഹാം റേഡിയോ ഓപറേറ്റർമാരുടെ സേവനം ആവശ്യപ്പെട്ടതിൻ്റെ അടിസ്ഥാനത്തിൽ AREAS (Amateur Radio Emergency Assistance Squad) ൻ്റെ നേതൃത്വത്തിൽ നിഖിൽ, അനന്തു, സനൽ, കിരൺ, അഭിജിത്ത്, റെയ്മണ്ട്, അഭിജിത്ത്, തുടങ്ങിയവർ അടങ്ങുന്ന ഒരുകൂട്ടം ഹാമുകൾ ആറ്റുകാൽ അമ്പല പരിസരത്ത് കൺട്രോൾ റൂം സജ്ജീകരിക്കുകയും കൂടാതെ പൊങ്കാലയർപ്പിക്കുന്ന നഗരത്തിൻ്റെ വിവിധ സ്ഥലങ്ങളിലും ഈ ഹാം റേഡിയോ ഓപ്പറേറ്റർമാർ അവരുടെ സേവനം അനുഷ്ഠിക്കുന്നു.

തികച്ചും സൗജന്യമായാണ് ഇവരുടെ ഈ സേവനം. എഞ്ചിനീയർമാർ, ഡോക്റ്റർമാർ, ബിസിനസ് തുടങ്ങി സമൂഹത്തിലെ വിവിധ തലങ്ങളിൽ തിളങ്ങി നിൽക്കുന്ന പലരും അവരുടെ ഹോബിയാണ് ഈ ഹാം റേഡിയോ അഥവാ amateur radio. Govt. നിന്ന് ലൈസൻസ് വേണ്ടുന്ന ഒരേ ഒരു ഹോബിയായ ഹാം റേഡിയോ ഇതുപോലുള്ള ദുരന്ത വേളയിൽ പൊതുജനത്തിന് സഹായകമാണ്. 2018 വെള്ളപ്പൊക്കത്തിൽ ഇവരുടെ സേവനം സ്തുത്യർഹമായിരുന്നു.