ന്യൂഡല്ഹി: കഴിഞ്ഞ 24 മണിക്കൂറിനിടെ ഇന്ത്യയില് 196 പേര്ക്ക് കൂടി കൊവിഡ് സ്ഥിരീകരിച്ചു. ഇതോടെ ആകെ കൊവിഡ് രോഗികളുടെ എണ്ണം 4.46 കോടിയായി. പ്രതിദിന പോസിറ്റിവിറ്റി നിരക്ക് 0.56 ശതമാനവും പ്രതിവാര പോസിറ്റിവിറ്റി നിരക്ക് 0.16 ശതമാനവുമാണ്.
സജീവ കേസുകള് 3,428 ആയി ഉയര്ന്നതായി കേന്ദ്ര ആരോഗ്യ മന്ത്രാലയത്തിന്റെ കണക്കുകള് സൂചിപ്പിക്കുന്നു. 1.19 ശതമാനമാണ് മരണ നിരക്ക്. കഴിഞ്ഞ 24 മണിക്കൂറിനിടെ 35,173 പേരെയാണ് കൊവിഡ് പരിശോധനക്ക് വിധേയരാക്കിയത്. 41,43,179 പേര് രോഗ മുക്തരായി. കഴിഞ്ഞ ദിവസം 220.05 കോടി ഡോസ് വാക്സിനാണ് നല്കിയത്.
2020 ഓഗസ്റ്റ് ഏഴിന് 20 ലക്ഷം, ഓഗസ്റ്റ് 23 ന് 30 ലക്ഷം, സെപ്റ്റംബര് 5ന് 40 ലക്ഷം,
സെപ്റ്റംബര് 16ന് 50 ലക്ഷം എന്നിങ്ങനെയാണ് ഇന്ത്യയിലെ കൊവിഡ് രോഗികളുടെ എണ്ണം. കഴിഞ്ഞ വര്ഷം മെയ് നാലിന് രാജ്യത്തെ കൊവിഡ് രോഗികളുടെ എണ്ണം രണ്ട് കോടിയും ജൂണ് 23ന് മൂന്ന് കോടിയുമായിരുന്നു