കോളേജിൽ നിന്നും പുറത്താക്കിയതിൽ മനം നൊന്തു ആത്മഹത്യ ചെയ്ത ബിജിത്ത് കുമാറിൻ്റെ വസതിയിൽ മന്ത്രി എത്തി ആശ്വസിപ്പിച്ചു

തിരുവല്ലം എം.ജി. കോളേജിൽ സീനിയർ വിദ്യാർഥികൾ നിർബന്ധിപ്പിച്ച് മദ്യം കുടിപ്പിച്ച സംഭവത്തിൽ കോളേജിൽ നിന്നും പുറത്താക്കിയതിൽ മനം നൊന്തു ആത്മഹത്യചെയ്ത വെള്ളാർ കൈതവിള വീട്ടിൽ ബിജിത്ത് കുമാറിൻ്റെ വസതിയിൽ പൊതുവിദ്യാഭ്യാസ- തൊഴിൽ വകുപ്പ് മന്ത്രി ശ്രീ.വി.ശിവൻകുട്ടി സന്ദർശനം നടത്തി കുടുംബങ്ങളെ ആശ്വസിപ്പിച്ചു. വെള്ളാർവാർഡ് കൗൺസിലർ പനത്തുറ പി ബൈജു, സിപിഎം-സിപിഐ നേതാക്കളായ കെ ആർ. ഉണ്ണികൃഷ്ണൻ, വെള്ളാർ സാബു, ഡി.ജയകുമാർ വാഴമുട്ടം രാധാകൃഷ്ണൻ, ആർ. പ്രദീപ് രാജ്കുമാർ, വെള്ളാർ ജയൻ, നികിതൻ തുടങ്ങിയവർ മന്ത്രിയോടൊപ്പം ഉണ്ടായിരുന്നു.