പ്രസ് ക്ലബ് – ഡി സി ബുക്സ് പുസ്തകമേള ഇന്ന് തുടങ്ങും

തിരുവനന്തപുരം: പ്രസ് ക്ലബ്ബും ഡി സി ബുക്സും ചേർന്ന് പുസ്തകമേള സംഘടിപ്പിക്കുന്നു. ഇന്നുമുതൽ ഞായറാഴ്ച വരെ പ്രസ് ക്ലബ് പി സി എസ് ഹാളിലാണ് മേള. രാവിലെ 11 മണിക്ക് എഴുത്തുകാരനും മാധ്യമ പ്രവർത്തകനുമായ ഡോ. പി കെ രാജശേഖരൻ പുസ്തകമേളയുടെ ഉദ്ഘാടനം നിർവഹിക്കും.
ലോക ക്ലാസിക്കുകളും ഇന്ത്യൻ സാഹിത്യ കൃതികളും മലയാളത്തിലെ വൈവിധ്യമാർന്ന രചനകളും ബാലസാഹിത്യ പുസ്തകങ്ങളും മേളയിലുണ്ട്. മലയാളം പുസ്തകങ്ങൾ 20% കുറവിലും ഇംഗ്ലീഷ് 10% കിഴിവിലും വാങ്ങാം. രാവിലെ 10 മുതൽ വൈകിട്ട് 7 വരെയാണ് മേള.