തിരുവനന്തപുരം : കേരള ഭാഷാ ഇൻസ്റ്റിറ്റ്യൂട്ട് സംഘടിപ്പിച്ച അയ്യങ്കാളി ദിനാചരണം തിരുവനന്തപുരം നന്തന്‍കോട് നളന്ദയില്‍ ഭാഷാ ഇൻസ്റ്റിറ്റ്യൂട്ട് അങ്കണത്തില്‍ സാംസ്കാരിക വകുപ്പ് ഡയറക്ടര്‍ ഡോ. ദിവ്യ എസ്. അയ്യർ ഐ.എ.എസ്. ഉദ്ഘാടനം ചെയ്തു. എഴുത്തുകാരനും കേരള ഭാഷാ ഇൻസ്റ്റിറ്റ്യൂട്ട് ഭരണസമിതിയംഗവുമായ രാജേഷ് കെ. എരുമേലി അയ്യങ്കാളി അനുസ്മരണപ്രഭാഷണം നടത്തി. കേരള ഭാഷാ ഇൻസ്റ്റിറ്റ്യൂട്ട് ഡയറക്ടര്‍ ഡോ. എം. സത്യന്‍ അധ്യക്ഷനായി. വൈലോപ്പിള്ളി സംസ്കൃതിഭവൻ മെമ്പർസെക്രട്ടറി മനേക്ഷ് പി. എസ്, അസി. ഡയറക്ടര്‍ എന്‍. ജയകൃഷ്ണന്‍, കേരള ഭാഷാ ഇൻസ്റ്റിറ്റ്യൂട്ട് പി. ആര്‍. ഒ. റാഫി പൂക്കോം എന്നിവര്‍ സംസാരിച്ചു. തുടർന്ന് കവി ശ്രീകല ചിങ്ങോലി കാവ്യാലാപനം നടത്തി. ദിലീപ് കുറ്റിയാണിക്കാട് രചനയും സംവിധാനവും നിർവഹിച്ച് ഇൻസ്റ്റിറ്റ്യൂട്ട് ജീവനക്കാർ അവതരിപ്പിച്ച ‘മഹാവീരൻ അയ്യങ്കാളി’ ദൃശ്യാവിഷ്കാരം അരങ്ങേറി.
