പൂജപുര ജനമൈത്രി പോലീസും തിരുമല കൈരളി നഗര്‍ റെസിഡന്‍സ് അസോസിയേഷനും സംയുക്തമായി ലഹരി വിരുദ്ധ സന്ദേശ റാലി സംഘടിപ്പിച്ചു. പൂജപ്പുര എസ് എച്ച് ഓ ശ്രീ റോജ് ആര്‍ റാലി ഫ്ലാഗ് ഓഫ് ചെയ്തു സംസാരിച്ചു. തിരുമല വാര്‍ഡ്‌ കൌണ്‍സിലര്‍ കെ അനില്‍ കുമാര്‍ റാലിയെ അഭിസംബോധന ചെയ്തു. വിളപ്പില്‍ശാല റോളര്‍ സ്കേറ്റിംഗ് വിദ്യാര്‍ഥികളും, 1 കേരള ബറ്റാലിയന്‍ എന്‍ സി സി കേഡറ്റുകളും, പൂജപ്പുര എസ് പി കേഡറ്റുകളും, കൈരളി നഗര്‍ റെസിഡന്‍സ് അസോസിയേഷന്‍ നിവാസികളും റാലിയില്‍ പങ്കെടുത്തു. കൈരളി നഗര്‍ റെസിഡന്‍സ് അസോസിയേഷന്‍ ഭാരവാഹികളും പൂജപ്പുര പോലീസും ചേര്‍ന്നാണ് റാലി ഒരുക്കിയത്.
