ഗുരുവായൂര്‍ ക്ഷേത്രത്തില്‍ ഭഗവതിക്കെട്ട്‌ വഴിയുള്ള പ്രവേശനത്തിന് മൂന്ന് ദിവസത്തേയ്ക്ക് നിയന്ത്രണം

തൃശൂര്‍: ഗുരുവായൂര്‍ ക്ഷേത്രം കിഴക്കേ നടപ്പുരയുടെ വടക്ക്‌ ഭാഗത്ത്‌ നിര്‍മ്മാണ പ്രവൃത്തികള്‍ നടക്കുന്നതിനാല്‍ ഭക്തജനങ്ങളുടെ സുരക്ഷ കണക്കിലെടുത്ത്‌ ഭഗവതിക്കെട്ട്‌ വഴി ക്ഷേത്രത്തിനകത്തേക്കും പുറത്തേക്കുമുള്ള ഭക്തരുടെ പ്രവേശനത്തിന്‌ ജൂലൈ 11 വ്യാഴാഴ്ച രാവിലെ 8 മണി മുതല്‍ മൂന്നു ദിവസത്തേക്ക്‌ നിയന്ത്രണം ഏര്‍പ്പെടുത്തി.