തിരുവനന്തപുരം: ചന്ദ്രയാൻ മൂന്നിന്റെ വിജയത്തിനോട് അനുബന്ധിച്ച് ഐഎസ്ആർഒ നടത്തിയ മത്സരത്തിൽ എൻജിനീയറിങ് കോളേജ് വിഭാഗത്തിൽ സംസ്ഥാന തലത്തിൽ മരിയൻ എൻജിനീയറിങ് കോളേജ് രണ്ടാം സ്ഥാനം കരസ്ഥമാക്കി. സ്കൂളുകളിലെയും കോളേജുകളിലെയും വിദ്യാർത്ഥികൾക്കായി ആഗസ്റ്റ് രണ്ടാം തീയതി മുതൽ എട്ടാം തീയതി വരെ കോളേജിൽ വിവിധതരം മത്സരങ്ങൾ സംഘടിപ്പിച്ചു. ഈ പരിപാടിയുടെ അടിസ്ഥാനത്തിലാണ് കോളേജിന് രണ്ടാം സ്ഥാനം ലഭിച്ചത്. വിഎസ് സി യിൽ നടന്ന ചടങ്ങിൽ മാനേജ്മെന്റ് പ്രതിനിധി ഫാ.ജിം കാർവിൻ,അഭിജിത്ത് ആർ. പി., രെഞ്ചു സി. എം., എന്നിവർ കേന്ദ്ര മന്ത്രി സുരേഷ് ഗോപിയിൽ നിന്നും അവാർഡ് സ്വീകരിച്ചു. ഐഎസ്ആർഒ ചെയർമാൻ ഡോ. എസ്. സോമനാഥ് ഓൺലൈൻ ആയി പങ്കെടുത്തു. വി എസ് എസ് സി ഡയറക്ടർ ഡോ. ഉണ്ണികൃഷ്ണൻ നായർ അധ്യക്ഷത വഹിച്ചു.
