പിത്താശയക്കല്ലിന് സൗജന്യ ചികിത്സ; തിരുവനന്തപുരം ഗവ. ആയുർവേദ കോളേജ് ആശുപത്രിയിൽ ഗവേഷണാടിസ്ഥാനത്തിൽ ചികിത്സ

തിരുവനന്തപുരം: പിത്താശയക്കല്ല് രോഗികൾക്ക് തിരുവനന്തപുരം ഗവ. ആയുർവേദ കോളേജ് ആശുപത്രിയിൽ സൗജന്യ ചികിത്സ ലഭ്യമാക്കുന്നു. 20 വയസിനും 60 വയസിനും ഇടയിൽ പ്രായമുള്ള പിത്താശയക്കല്ല് രോഗികൾക്കാണ് ഗവേഷണാടിസ്ഥാനത്തിൽ സൗജന്യ ചികിത്സ നൽകുന്നത്.

ആശുപത്രിയിലെ ഒന്നാം നമ്പർ ഒ.പി.യിൽ തിങ്കൾ, വ്യാഴം ദിവസങ്ങളിൽ രാവിലെ 8 മണി മുതൽ ഉച്ചയ്ക്ക് 1 മണി വരെ ചികിത്സ ലഭ്യമാകും.

താൽപര്യമുള്ള രോഗികൾക്ക് നിശ്ചിത ദിവസങ്ങളിൽ ഒ.പി.യിൽ എത്തി ചികിത്സ തേടാവുന്നതാണ്. ചികിത്സ സംബന്ധിച്ച കൂടുതൽ വിവരങ്ങൾക്ക് 8281120846 എന്ന നമ്പറിൽ ബന്ധപ്പെടാം.

തിരുവനന്തപുരം ഗവ. ആയുർവേദ കോളേജ് ആശുപത്രി പ്രിൻസിപ്പാളാണ് ഇക്കാര്യം അറിയിച്ചത്.