വിഴിഞ്ഞത്ത് മാധ്യമ പ്രവർത്തകന് നേരെ ലത്തീൻ അതിരൂപത സമരക്കാരുടെ കയ്യേറ്റ ശ്രമം. എസിവി ന്യൂസ് Acv news വിഴിഞ്ഞം ലേഖകൻ ഷെരീഫ് എം ജോർജിന് നേരെയാണ് കയ്യേറ്റ ശ്രമം നടന്നത്. നാട്ടുകാരുടെ ജനകീയ സമിതിയുടെ ഉപരോധം പകർത്തുന്നതിനിടെയാണ് ഒരു കൂട്ടം ആളുകൾ ആക്രമണം അഴിച്ചു വിട്ടത്. നിൻ്റെ പേര് ഷെരീഫ് അല്ലേ എന്നും കൊന്ത ഇട്ട് പറ്റിക്കാൻ ശ്രമിക്കുന്നോ എന്ന് ചോദിച്ചു ഇദ്ദേഹത്തിൻ്റെ കഴുത്തിൽ കിടന്ന കൊന്തയും പൊട്ടിക്കാൻ ശ്രമം നടന്നു.
ഷെരിഫ് അനന്തപുരി ഓണ്‍ലൈനിനോട് പറഞ്ഞത്….
ജനകീയ സമര സമിതിയുടെ പരിപാടികൾ ലൈവ് കൊടുത്തു എന്നതാണ് എനിക്കെതിരെയുള്ള ആരോപണം. ക്രിസ്ത്യാനിയായ ഞാൻ പള്ളിപ്പാതിരിമാരെ ചീത്ത പറഞ്ഞത് റിപ്പോർട്ട് ചെയ്തതിനെ ചോദ്യം ചെയ്താണ് ഒരു ആൾക്കാർ ആക്രമിക്കാൻ ശ്രമിച്ചത്. ഐഡി കാർഡ് പിടിച്ചു വാങ്ങിയ ഒരു സംഘം എൻറെ ഫോണിൻറെ ഡിസ്പ്ലേയും ട്രൈപ്പോടും തകർത്തു. ഗുണ്ടയാണ് ബിജെപിയാണ് എന്നൊക്കെ പറഞ്ഞായിരുന്നു ആക്രമണം
