വിടവാങ്ങിയത് ഭാരതത്തെ കാർഷിക സ്വയംപര്യാപ്തതയിലേക്ക് നയിച്ച വ്യക്തിത്വം*ഭാരതത്തിൻ്റെ ഹരിതവിപ്ലവത്തിൻ്റെ ശിൽപ്പിയായ എംഎസ് സ്വാമിനാഥൻ്റെ നിര്യാണത്തിൽ ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ അനുശോചിച്ചു. കാർഷിക സ്വയംപര്യാപ്തതയിലേക്ക് ഭാരതത്തെ നയിച്ച മഹാവ്യക്തിത്വമായിരുന്നു അദ്ദേഹം. രാജ്യം പത്മശ്രീയും പത്മഭൂഷണും പത്മവിഭൂഷണും നൽകി ആദരിച്ച സ്വാമിനാഥന് ജനങ്ങളുടെ മനസിലും വലിയ സ്ഥാനമാണുള്ളത്. ഭാരതത്തിൻ്റെ മാത്രമല്ല ലോകത്തിൻ്റെ തന്നെ പട്ടിണി മാറ്റാൻ ജീവിതം ഒഴിഞ്ഞുവെച്ച അദ്ദേഹത്തിൻ്റെ വിയോഗം എല്ലാവർക്കും തീരാ നഷ്ടമാണ്. കുട്ടനാടിൻ്റെ പ്രത്യേകതകൾ മനസിലാക്കിയ സ്വാമിനാഥൻ കേരളത്തിന് നൽകിയ സംഭാവനകൾ വളരെ വലുതായിരുന്നെന്നും കെ.സുരേന്ദ്രൻ പറഞ്ഞു. എംഎസ് സ്വാമിനാഥൻ്റെ നിര്യാണത്തിൽ അദ്ദേഹത്തിൻ്റെ കുടുംബത്തിൻ്റെ ദുഖത്തിൽ പങ്കുചേരുന്നു.