ഇന്ഫര്മേഷന് പബ്ലിക്ക് റിലേഷന്സ് വകുപ്പ് തിരുവനന്തപുരം ജില്ലാ ഇന്ഫര്മേഷന് ഓഫീസില് കരാര് അടിസ്ഥാനത്തില് ഫോട്ടോഗ്രാഫര്മാരുടെ പാനല് തയാറാക്കുന്നതിന് അപേക്ഷ ക്ഷണിച്ചു.
അപേക്ഷകര് ഡിജിറ്റല് എസ്.എല്.ആര്/മിറര്ലെസ് ക്യാമറകള് ഉപയോഗിച്ച് ഹൈ റെസല്യൂഷന് ചിത്രങ്ങള് എടുക്കുവാന് കഴിവുള്ളവരായിരിക്കണം. വൈഫൈ സംവിധാനമുള്ള ക്യാമറകള് കൈവശമുള്ളവര്ക്ക് മുന്ഗണനയുണ്ടായിരിക്കും.
അപേക്ഷകര് ജില്ലയില് സ്ഥിരതാമസക്കാരായിരിക്കണം. ഇന്ഫര്മേഷന് പബ്ലിക്ക് റിലേഷന്സ് വകുപ്പില് കരാര് ഫോട്ടാഗ്രാഫര്മാരായി സേവനമനുഷ്ഠിച്ചവര്ക്കും, പത്രസ്ഥാപനങ്ങളില് ഫോട്ടോഗ്രാഫര്മാരായി പ്രവര്ത്തിച്ചവര്ക്കും മുന്ഗണനയുണ്ടായിരിക്കും. അപേക്ഷകര് ക്രിമിനല് കേസുകളില്പ്പെടുകയോ ശിക്ഷിക്കപ്പെടുകയോ ചെയ്തവരായിരിക്കരുത്.
അപേക്ഷകരുടെ പേര്, വിലാസം, ഫോണ് നമ്പര്, ഇ-മെയില്, വിദ്യാഭ്യാസ യോഗ്യത, പ്രവൃത്തി പരിചയം എന്നിവ രേഖപ്പെടുത്തിയ ബയോഡാറ്റയും സ്വന്തമായുള്ള ക്യാമറയുടെ വിവരങ്ങളും സഹിതം 2026 ജൂണ് 18 വൈകിട്ട് 4നകം തിരുവനന്തപുരം കളക്ടറേറ്റിലെ ജില്ലാ ഇന്ഫര്മേഷന് ഓഫീസില് നേരിട്ടോ തപാല് വഴിയോ ഇ-മെയില് മുഖേനയോ അപേക്ഷ സമര്പ്പിക്കണം. പൂര്ണമല്ലാത്ത അപേക്ഷകള് നിരസിക്കുന്നതായിരിക്കും.
വിലാസം: ജില്ലാ ഇന്ഫര്മേഷന് ഓഫീസര്, ഇന്ഫര്മേഷന് പബ്ലിക് റിലേഷന്സ് വകുപ്പ്, സിവില് സ്റ്റേഷന്, കുടപ്പനക്കുന്ന്, തിരുവനന്തപുരം-43.
ഇ-മെയില് വിലാസം: dioprdphotopanel@gmail.com.
കൂടുതല് വിവരങ്ങള്ക്ക് ഫോണ്: 0471-2731300.
