ശബരിമലയില്‍ സ്ത്രീകൾ പ്രവേശിച്ചെന്ന്‌ വ്യാജ വാര്‍ത്ത ശബരിമലയില്‍ സ്ത്രീകള്‍ പ്രവേശിച്ചെന്ന വ്യാജ വാര്‍ത്ത പ്രചരിപ്പിച്ച സംഭവത്തില്‍ പൊലീസ്‌ കേസ്‌. പത്തനംതിട്ട ജില്ലാ പൊലീസ്‌ മേധാവിയുടെ നിര്‍ദേശപ്രകാരമാണ്‌ സൈബര്‍ പൊലീസ്‌ കേസെടുത്തത്‌. പതിനെട്ടാംപടിക്ക്‌ സമീപം ഇരുമുടിക്കെട്ടുമായി 2 യുവതികള്‍ എന്നതരത്തിലുള്ള സെല്‍ഫി വീഡിയോയാണ്‌ പ്രചരിപ്പിച്ചത്‌. രാജേഷ്‌ എന്ന യുവാവിന്റെ ഇന്‍സ്റ്റഗ്രാം പ്രൊഫൈൽ പേജിലാണ്‌ വീഡിയോ പ്രത്യക്ഷപ്പെട്ടത്‌. കൃത്രിമമായി എഡിറ്റ്‌ ചെയ്ത ദൃശ്യങ്ങളാണിത്‌.