വിമുക്തഭടന്മാർക്ക് റെയിൽവേയിൽ അവസരം

ദക്ഷിണ റെയിൽവേയുടെ പാലക്കാട് ഡിവിഷനിൽ ഗേറ്റ് കീപ്പർ തസ്തികയിൽ കരാർ അടിസ്ഥാനത്തിൽ വിമുക്തഭടന്മാരെ നിയമിക്കുന്നതിനായി അപേക്ഷ ക്ഷണിച്ചു. പത്താം ക്ലാസ് പാസായതും 15 വർഷത്തിൽ കുറയാത്ത സൈനിക സേവനം ചെയ്തവരും ഒക്ടോബർ 20 ന് 50 വയസ് തികയാത്തതുമായ വിമുക്തഭടന്മാർക്ക് അപേക്ഷിക്കാം. താത്പര്യമുള്ളവർ നിർദിഷ്ട മാതൃകയിലുള്ള അപേക്ഷയോടൊപ്പം എസ്.എസ്.എൽ.സി അല്ലെങ്കിൽ തത്തുല്യ സർട്ടിഫിക്കറ്റ്, ആധാർ കാർഡ്, ഇ.എസ്.എം ഐഡി, ഡിസ്ചാർജ് ബുക്ക്, പി.പി.ഒ എന്നിവയുടെ സ്വയം സാക്ഷ്യപെടുത്തിയ പകർപ്പുകൾ സഹിതം ഒക്ടോബർ 16 ന് മുൻപായി ജില്ലാ സൈനിക ക്ഷേമ ഓഫീസിൽ സമർപ്പിക്കണം. അവസാന തീയതിയ്ക്ക് ശേഷം ലഭിക്കുന്ന അപേക്ഷകൾ പരിഗണിക്കില്ലെന്ന് ജില്ലാ സൈനിക ക്ഷേമ ഓഫീസർ അറിയിച്ചു. അപേക്ഷ ഫോറത്തിനും വിശദവിവരങ്ങൾക്കും ജില്ലാ സൈനിക ക്ഷേമ ഓഫീസുമായി ബന്ധപ്പെടണം. കൂടുതൽ വിവരങ്ങൾക്ക് 0471 2472748.