നെടുമങ്ങാട് സാംസ്കാരിക വേദിയുടെ സ്നേഹാദരവ്

നെടുമങ്ങാട് : പോത്തൻകോട് ശാന്തിഗിരി സിദ്ധ മെഡിക്കൽ കോളേജിൽ നിന്നും ബി. എസ്. എം. എസ് കോഴ്സിൽ ഒന്നാം റാങ്ക് കരസ്ഥമാക്കിയ മേലാംകോട് സ്വദേശിയായ അനുപമ ഗോപനെ നെടുമങ്ങാട് സാംസ്കാരിക വേദിയുടെ നേതൃത്വത്തിൽ വേദി ചെയർമാൻ നെടുമങ്ങാട് ശ്രീകുമാറും, വേദി രക്ഷാധികാരിയും, മുൻ നഗരസഭ പ്രതിപക്ഷ നേതാവും, കോൺഗ്രസ് ബ്ലോക്ക് പ്രസിഡണ്ടുമായ ടി അർജുനനും ചേർന്ന് പൊന്നാട അണിയിച്ചു അനുമോദിച്ചു.

നെടുമങ്ങാട് സാംസ്കാരിക വേദി ഭാരവാഹികളായ മുഹമ്മദ് ഇല്യാസ് പത്താം കല്ല്, നെടുമങ്ങാട് കെ എസ് പ്രമോദ്, മൂഴിയിൽ മുഹമ്മദ് ഷിബു, പുലിപ്പാറ യൂസഫ്, പി.എസ് ഷെരീഫ്, ഗോപകുമാർ തുടങ്ങിയവർ സംബന്ധിച്ചു.