തിരുവനന്തപുരം: ആരോഗ്യ പരിപാലന രംഗത്ത് നൂതന അദ്ധ്യായം രചിച്ചു കൊണ്ട് എസ്യുടി പട്ടം രംഗത്ത്. എസ്യുടി ആശുപത്രി ജോഗോയുമായി ചേര്ന്ന് കേരളത്തിലെ ആദ്യ ശസ്ത്രക്രിയ രഹിത പെല്വിക് ഫ്ളോര് പുനരധിവാസ കേന്ദ്രം പ്രവര്ത്തനമാരംഭിച്ചു.
ആധുനിക സാങ്കേതിക രീതിയായ ‘ബയോഫീഡ്ബാക്ക്‘ ഉപകരണം ഉപയോഗിച്ചുള്ള ചികിത്സാ രീതിയാണ് പുനരധിവാസ കേന്ദ്രത്തില് ലഭ്യമാവുക. ലോകോത്തര നിലവാരമുള്ള ഈ കേന്ദ്രത്തിന്റെ ഉദ്ഘാടനം ആശുപത്രിയുടെ ചീഫ് എക്സിക്യൂട്ടീവ് ഓഫീസര് കേണല് രാജീവ് മണ്ണാളി നിര്വ്വഹിച്ചു.
ആശുപത്രിയുടെ മെഡിക്കല് സൂപ്രണ്ട് ഡോ. അനൂപ് ചന്ദ്രന് പൊതുവാള്, ഡോ. രാജശേഖരന് നായര് (സീനിയര് കണ്സള്ട്ടന്റ് ഒബ്സ്റ്റട്രിക്സ് ആന്ഡ് ഗൈനക്കോളജി), ഡോ. ബാലകൃഷ്ണന് (സീനിയര് റേഡിയോളജിസ്റ്റ്), ഡോ. ജനാര്ദനന് പോറ്റി (ന്യൂറോ സര്ജന്), ഡോ. അരുണ് മോഹന് (റേഡിയോളജിസ്റ്റ്), ഡോ. ആനന്ദ് രാജ (കണ്സള്ട്ടന്റ് ഫിസിയാട്രിസ്റ്റ്), അജയ്ലാല് (ഫിസിയോതെറാപ്പിസ്റ്റ്), നഴ്സിംഗ് സൂപ്രണ്ട് റെയ്ച്ചലമ്മ ജേക്കബ് തുടങ്ങിയവര് ചടങ്ങില് സന്നിഹിതരായിരുന്നു.
