തിരുവനന്തപുരം: കോര്‍പ്പറേഷനിലെ കത്ത് വിവാദത്തില്‍ സമരം അവസാനിപ്പിക്കാന്‍ സര്‍ക്കാര്‍ ഇടപെടല്‍. തദ്ദേശ സ്വയംഭരണ വകുപ്പ് മന്ത്രി എം.ബി രാജേഷ് സമരക്കാരുമായി ചര്‍ച്ച നടത്തും. സമരം ചെയ്യുന്ന രാഷ്ട്രീയപാര്‍ട്ടികളുടെ ജില്ലാ ഭാരവാഹികളോട് നാളെ വൈകീട്ട് അഞ്ച് മണിക്ക് ചര്‍ച്ചയ്ക്ക് എത്താനാണ് നിര്‍ദേശം.
അതേസമയം തന്റെ പേരിലുള്ള കത്ത് വ്യാജമെന്ന് ആവര്‍ത്തിക്കുകയാണ് മേയര്‍ ആര്യാ രാജേന്ദ്രന്‍. ഇന്നലെ ഓംബുഡ്സ്മാനു മുന്നില്‍ ഹിയറിങ്ങിന് ഹാജരായപ്പോഴാണ് മേയര്‍ നിലപാട് ആവര്‍ത്തിച്ചത്. യഥാര്‍ഥ കത്തുണ്ടെങ്കില്‍ ഹാജരാക്കാന്‍ പരാതിക്കാരന് ഓംബുഡ്സ്മാന്‍ നിര്‍ദേശം നല്‍കി. യൂത്ത് കോണ്‍ഗ്രസ് തിരുവനന്തപുരം ജില്ലാ അധ്യക്ഷന്‍ സുധീര്‍ ഷാ പാലോടാണ് പരാതിക്കാരന്.
കത്ത് സംബന്ധിച്ച്‌ അന്വേഷണം നടത്തി നടപടിയെടുക്കണം എന്നായിരുന്നു പരാതിയിലെ ആവശ്യം. ഇന്നലെ നടന്ന ഓണ്‍ലൈന്‍ ഹിയറിങ്ങിലാണ് ഇരുവരും ഹാജരായത്.
