ഈ ഓണത്തിന് സുഗന്ധവും ആരോഗ്യവും നേര്‍ന്നു കൊണ്ട് ഔഷധിയുടെ അത്തപ്പൂക്കളമൊരുങ്ങി. 125 ഓളം ഔഷധ ചേരുവകള്‍ ചേര്‍ത്താണ് മെഗാ ഔഷധ അത്തം ഒരുക്കിയത്. ഏറ്റവുമധികം ഔഷധങ്ങള്‍ ചേര്‍ത്തുണ്ടാക്കിയ അത്തം എന്ന ലോക റെക്കോര്‍ഡും നേടി ഔഷധി. മെഗാ അത്തത്തിന് അഞ്ചു മീറ്റര്‍ നീളവും നാലര മീറ്റര്‍ വീതിയുമുണ്ട് . ഇലകള്‍, പൂവുകള്‍, കായകള്‍, മൊട്ടുകള്‍. വിത്തുകൾ, കുന്നിക്കുരു, കര്‍പ്പൂരം, വിവിധതരം പരിപ്പുകള്‍, തുരിശ്‌, തിപ്പലി, കുവപ്പൊടി, മലര്‍, തെങ്ങിന്‍പൂക്കുല, രുദ്രക്ഷം, ഇന്തുപ്പ്‌, താമര, നീലത്താമര, വയമ്പ്‌, രാമച്ചം, ജോതിപത്രി തുടങ്ങി നിരവധി ഔഷധങ്ങളാണ് അത്തത്തില്‍ ഒരുക്കിയത്. ഔഷധി ചെയര്‍പെഴ്സന്‍ ശോഭനാ ജോര്‍ജ്ജിന്റെ നേതൃത്വത്തില്‍ ഇൻഫോപാര്‍ക്കിലെ അനിമേറ്റര്‍ അമലുവാണ് അത്തം ഡിസൈന്‍ ചെയ്തത്.
ഇന്നലെ രാവിലെ തിരുവനന്തപുരം പുളിമൂടുള്ള ബാങ്ക് എംപ്ലോയീസ് ഹാളില്‍ മന്ത്രി വി ശിവൻകുട്ടി മെഗാ ഔഷധി അത്തം ഉദ്ഘാടനം ചെയ്തു.