തിരുവനന്തപുരം വെള്ളായണിയിൽ ഡേ കെയറില്‍ നിന്ന് രണ്ടു വയസുകാരന്‍ ഒറ്റയ്ക്ക് വീട്ടിലേക്ക് നടന്നെത്തി
കുട്ടി ഇറങ്ങിപ്പോയത് ഡേ കെയര്‍ അധികൃതര്‍ അറിഞ്ഞില്ല. തിങ്കളാഴ്ച ഉച്ചയ്ക്കാണ് അങ്കിത് സുധീഷ് രണ്ടു കിലോമീറ്റര്‍ ഒറ്റയ്ക്ക് നടന്ന് വീട്ടിലെത്തിയത്. കുട്ടി നടന്നുപോകുന്ന ദൃശ്യങ്ങള്‍ സമൂഹ മാധ്യമങ്ങളില്‍ ഇതിനോടകം പ്രചരിച്ചു.
സംഭവത്തിൽ രണ്ട് അധ്യാപകർക്ക് സസ്പെൻഷൻ. കുട്ടി ഇറങ്ങി പോയ സമയത്ത് അധ്യാപകർ കല്യാണത്തിന് പോയതായിരുന്നു എന്നാണ് അധ്യാപകര്‍ പ്രതികരിച്ചത്. അധ്യാപകർക്കെതിരെ കാക്കാ മൂല സോവർ ഹിൽ ലൂഥറൻസ് സ്കൂള്‍ നടപടിയെടുത്തു.
തിങ്കളാഴ്ച ഉച്ചയ്ക്ക് കുട്ടി പേടിച്ചും ഭയന്നുമാണ് വീട്ടിലെത്തിയതെന്നും ഇത്തരമൊരു അനാസ്ഥ ആവർത്തിക്കരുതെന്നും കുടുംബം പ്രതികരിച്ചു.