ആലപ്പുഴ ജില്ലാ സമ്മേളനത്തിന്റെ ഭാഗമായി നടന്ന പൊതുസമ്മേളനം മന്ത്രി ബിന്ദു ഉദ്ഘാടനം ചെയ്തു

അഖിലേന്ത്യാ ജനാധിപത്യ മഹിളാ അസ്സോസിയേഷൻ ആലപ്പുഴ ജില്ലാ സമ്മേളനത്തിന്റെ ഭാഗമായി നടന്ന പൊതുസമ്മേളനം ഉദ്ഘാടനം ചെയ്തു. സംഘടനയുടെ 13-ാം ദേശീയ സമ്മേളനം ജനുവരിയിൽ തിരുവനന്തപുരത്ത് വെച്ചാണ് നടക്കുന്നത്. അതിന്റെ മുന്നോടിയായുള്ള സംസ്ഥാന സമ്മേളനം നവംബറിൽ ആലപ്പുഴ വെച്ചു ചേരും. ദേശീയ/സംസ്ഥാന സമ്മേളനങ്ങളുടെ ആവേശകരമായ സംഘാടനത്തിന് ഊർജ്ജം പകരുന്ന വിധത്തിൽ ഉജ്ജ്വലമായ സ്ത്രീ പങ്കാളിത്തമായിരുന്നു പൊതുയോഗത്തിൽ ഉണ്ടായിരുന്നത്. മൂന്നുപതിറ്റാണ്ടുകാലമായി പ്രവർത്തിച്ചു വരുന്ന സംഘടനയുടെ പരിപാടികളിൽ പങ്കെടുക്കുന്നതാണ് ഏറ്റവും സന്തോഷപ്രദവും അഭിമാനകരവുമായി തോന്നുന്നതെന്ന് മന്ത്രി ഡോ ബിന്ദു പറഞ്ഞു.