വടക്കൻ സംസ്ഥാനങ്ങളിലേതിനു സമാനമായി കേരളത്തിലും നരബലി. കേരളത്തിൽ രണ്ട് സ്ത്രീകളെ നരബലി നൽകിയതായി വിവരം. കടവന്ത്ര, കാലടി സ്വദേശികളായ രണ്ട് സ്ത്രീകളെ കടത്തിക്കൊണ്ടുപോയി നരബലി നടത്തിയതായാണ് വിവരം. പെരുമ്പാവൂരിലുള്ള ഏജന്റാണ് സ്ത്രീകളെ കടത്തിക്കൊണ്ടുപോയത്.
ഇതുമായി ബന്ധപ്പെട്ട് മൂന്നുപേർ കസ്റ്റഡിയിൽ ആയിട്ടുണ്ട്. ഭഗവന്ത്, ലൈല എന്നീ ദമ്പതികളും ഏജന്റ് പെരുമ്പാവൂർ സ്വദേശി ഷിഹാബിനെയുമാണ്പൊലീസ് കസ്റ്റഡിയിൽ എടുത്തിരിക്കുന്നത്.
തിരുവല്ലയിലെ ദമ്പതികള്ക്ക് സാമ്പത്തിക അഭിവൃദ്ധിക്കായാണ് നരബലി നടത്തിയത് എന്നാണ് വിവരം.
പത്തനംതിട്ടയിലെ എലന്തൂരിൽ വെച്ചാണ് ഇവരെ നരബലി നടത്തിയത്. തമിഴ്നാട് സ്വദേശി പത്മം ആണ് കൊല്ലപ്പെട്ടവരിൽ ഒരാൾ. സ്ത്രീകളെ കഴുത്തറുത്ത് കൊലപ്പെടുത്തിയ ശേഷം കഷണങ്ങളായി കുഴിച്ചിടുകയായിരുന്നു.കൊച്ചി കടവന്ത്ര പൊലീസും തിരുവല്ല പൊലീസും സംയുക്തമായി അന്വേഷണം ആരംഭിച്ചിട്ടുണ്ട്. ലോട്ടറി വിൽപനക്കാരാണ് കൊലക്ക് ഇരയായ സ്ത്രീകൾ എന്നാണ് വിവരം.