ദക്ഷിണ വ്യോമസേനാ മേധാവി കേരള ഗവർണറുമായി കൂടിക്കാഴ്ച്ച നടത്തി; സമുദ്ര സുരക്ഷയെ കുറിച്ച് ചർച്ച ചെയ്തു

ദക്ഷിണ വ്യോമസേനാ മേധാവി എയർ മാർഷൽ ജസ്‌വീർ സിംഗ് മാൻ ജൂലൈ 29ന് ബഹുമാനപ്പെട്ട കേരള ഗവർണർ ശ്രീ രാജേന്ദ്ര വിശ്വനാഥ് അർലേക്കറെ സന്ദർശിച്ചു.

സമുദ്ര പ്രവർത്തനങ്ങളിലും പ്രധാന വികസന സംരംഭങ്ങളിലും ശ്രദ്ധ കേന്ദ്രീകരിച്ചായിരുന്നു ആശയ വിനിമയം. ദേശീയ സുരക്ഷ വർദ്ധിപ്പിക്കുന്നതിനും, പ്രവർത്തന തയ്യാറെടുപ്പ് ശക്തിപ്പെടുത്തുന്നതിനും, നിലനിൽക്കുന്ന സിവിൽ-സൈനിക സഹകരണം വളർത്തിയെടുക്കുന്നതിനുമുള്ള പ്രതിബദ്ധത എടുത്ത് പറഞ്ഞു.

ശക്തമായ ഒരു സമുദ്ര മേഖലയും സുരക്ഷിതമായ ഇന്ത്യയും ഒരുമിച്ച് കെട്ടിപ്പെടുക്കുന്നതിൻ്റെ ആവശ്യകതയും ചർച്ചയായി.