എറണാകുളം റൂറൽ ജില്ലയിൽ നടക്കുന്ന പുതുവത്സരാഘോഷ പരിപാടികൾക്ക് പോലീസിൽ നിന്നും മുൻകൂർ അനുമതി വാങ്ങണമെന്ന് ജില്ലാ റൂറൽ പോലീസ് മേധാവി വിവേകുമാർ അറിയിച്ചു, പുതുവത്സരാഘോഷ ചടങ്ങുകളിൽ മദ്യത്തിന്റെയും ലഹരി മരുന്നുകളുടെയും ഉപയോഗം ശ്രദ്ധയിൽപ്പെട്ടാൽ സംഘാടകർ പോലീസിനെ അറിയിക്കണമെന്നും അദ്ദേഹം ആവശ്യപ്പെട്ടു. ഡിജെ പാർട്ടികൾ നടക്കുന്ന സ്ഥലങ്ങളിൽ പോലീസ് നിരീക്ഷണം ഏർപ്പെടുത്തും. രാത്രി പാതയോരങ്ങളിൽ അനധികൃത ആൾക്കൂട്ടങ്ങൾ അനുവദിക്കില്ല. പാർട്ടികളിൽ പങ്കെടുക്കുന്നവർ തിരിച്ചറിയൽ കാർഡ് കരുതണമെന്നും പങ്കെടുക്കുന്നവരുടെ പേര് വിവരങ്ങൾ സംഘാടകർ രേഖപ്പെടുത്തി സൂക്ഷിക്കണം എന്നും അദ്ദേഹം ആവശ്യപ്പെട്ടു.
ചെറായി അടക്കമുള്ള വിനോദ സഞ്ചാര കേന്ദ്രങ്ങളിൽ ഷാഡോ പോലീസിനെ നിയോഗിക്കും
മദ്യപിച്ച് വാഹനമോടിക്കുന്നവരെ കണ്ടെത്താൻ പ്രത്യേക സംഘങ്ങളെ നിയോഗിച്ചിട്ടുണ്ട് ഡിവൈഎസ്പി മാരുടെ നേതൃത്വത്തിൽ 1500 പോലീസുകാരാണ് പുതുവത്സരാഘോഷത്തോടനുബന്ധിച്ച് സുരക്ഷക്കായി നിയോഗിച്ചിരിക്കുന്നത്.
