സ്റ്റുഡന്റ് കൗൺസിലർ നിയമനം

പട്ടികവർഗവികസന വകുപ്പിന് കീഴിൽ ജില്ലയിൽ പ്രവർത്തിക്കുന്ന മോഡൽ റസിഡൻഷ്യൽ സ്‌കൂൾ, ഹോസ്റ്റൽ എന്നിവിടങ്ങളിലെ അന്തേവാസികളായ വിദ്യാർത്ഥികൾക്ക് വേണ്ടി സ്റ്റുഡന്റ് കൗൺസിലറെ നിയമിക്കുന്നു. ആകെ നാല് ഒഴിവുകളാണ് ഉള്ളത്. സ്റ്റുഡന്റ് കൗൺസിലിംഗിൽ എം.എ സൈക്കോളജി അല്ലെങ്കിൽ എം.എസ്.ഡബ്ലു പാസായിരിക്കണം. കേരളത്തിന് പുറത്തുള്ള സർവകലാശാലകളിൽ നിന്ന് യോഗ്യത നേടിയവർ തുല്യതാ സർട്ടിഫിക്കറ്റ് ഹാജരാക്കണം. കൗൺസിലിംഗിൽ സർട്ടിഫിക്കറ്റ് അല്ലെങ്കിൽ ഡിപ്ലോമ നേടിയവർക്കും അപേക്ഷിക്കാം. പ്രായം 25നും 45നും മധ്യേ.

യോഗ്യരായവർ ജൂൺ 20 രാവിലെ 10.30ന് നെടുമങ്ങാട് ഐ.റ്റി.ഡി.പി ഓഫീസിൽ അഭിമുഖത്തിന് ഹാജരാകണമെന്ന് പ്രൊജക്ട് ഓഫീസർ അറിയിച്ചു. ഫോൺ: 0472-2812557, 9496070328