കാട്ടാക്കട മണ്ഡലത്തിൽ നടപ്പാക്കി വരുന്ന ജലസമൃദ്ധി, ജൈവ സമൃദ്ധി, കാർബൺ ന്യൂട്രൽ കാട്ടാക്കട പദ്ധതികളുടെ പുരോഗതി വിലയിരുത്താൻ ഐ.ബി സതീഷ് എംഎൽഎയുടെ അധ്യക്ഷതയിൽ ഉദ്യോഗസ്ഥരുടെ യോഗം ചേർന്നു. എല്ലാ വകുപ്പുകളും ഏകോപിച്ച് പ്രവർത്തിച്ച് പദ്ധതികൾ വേഗത്തിൽ പൂർത്തിയാക്കണമെന്ന് എംഎൽഎ ഉദ്യോഗസ്ഥർക്ക് നിർദ്ദേശം നൽകി. കളക്ടറേറ്റ് കോൺഫറൻസ് ഹാളിൽ നടന്ന യോഗത്തിൽ ജില്ലാ കളക്ടർ അനു കുമാരി, കില ഡയറക്ടർ നിസാമുദ്ദീൻ, ജില്ലാ പ്ലാനിങ് ഓഫീസർ വി.എസ് ബിജു, കാട്ടാക്കട മണ്ഡലത്തിലെ വിവിധ തദ്ദേശഭരണ പ്രതിനിധികൾ എന്നിവരും പങ്കെടുത്തു.
